Çdo ditë e më shumë gazetës “Zëri” po i shtohen lexues të rinj, kjo jo vetëm për shkak të lojës së madhe shpërblyese, por edhe për nga përmbajtja dhe trajtimi i temave që e preokupojnë qytetarin e Kosovës.

Të gjithë të anketuarit tanë e vlerësojnë paanshmërinë dhe trajtimin real të temave në “Zëri”, ndërsa lojën shpërblyese e konsiderojnë si desert plus. Teuta Iballi thotë se kafenë e mëngjesit gjithnjë e pi në shoqërinë e “Zërit”.

“Jam lexuese e rregullt e ‘Zërit’ dhe me pëlqen çdo artikull në të. Është një plus i madh edhe loja shpërblyese ‘Lexo dhe fito’, ndonëse kjo ka tërhequr mjaft shumë lexues sepse po arrijmë të shpërblehemi me çmime të ndryshme.

Deri më tani kam fituar disa shpërblime dhe kjo më shtyn edhe më shumë ta adhuroj këtë gazetë”, është shprehur Teuta. Edhe Idriz Fetahu nga Prishtina, është një lexues i rregullt, të cilit nuk i shpëton asnjë numër.

“Unë me vite jam lexues i ‘Zërit’, ndërsa kohëve të fundit i blej edhe nga dy, kjo për ta provuar fatin edhe në lojën shpërblyese. Tashmë kam fituar dy herë, por shpërblime të vogla, ndërsa shpresoj se në të ardhmen do të fitoj diçka më të madhe. Por nuk është vetëm loja që e blej, pasi mendoj që ‘Zëri’ e ka informimin më të drejtë dhe më të paanshëm në mediumet kosovare, prandaj e inkurajoj stafin e gazetës të vazhdojë me këtë ritëm”, është shprehur z. Fetahu.

K.Bajrami

Deçanasit mirëpresin vazhdimin e lojës shpërblese dhe trajtimin e temave jetike

Deçan - Dhjetëra shpërblime për lexuesit deçanas dhe vazhdimi i lojës shpërblyese janë mirëpritur nga lexuesit e shumët të “Zërit”, në Deçan, ndërkohë trajtimi i temave jetike vazhdon të rritë imazhin e kësaj gazete, e cila sipas të anketuarve tanë, është bërë “ushqim” i përditshmërisë në këtë komunë. “Loja shpërblyese, bashkë me temat e trajtuara vazhdojnë të rrisin imazhin e kësaj gazete, e cila pos në Deçan, vazhdon të shtrihet edhe në zonat rurale të kësaj komune”, thotë lexuesi i pasionuar i “Zërit”, Selman Shabanhagjaj nga Deçani, i cili tregon se parapëlqen leximin e temave të kësaj gazete, veçmas ato që pasqyrojnë të vërtetat për zhvillimet në vend, duke mos kursyer edhe bartësit e dukurive negative dhe dështimet e ndryshme, të cilat, sipas tij, paraqesin regres të zhvillimit. “Reagimet e kësaj gazete për ngjarjet dhe problemet aktuale i lexoj me kureshtje, sidomos në ‘Editorialin’ e kësaj gazete, por edhe në faqet tjera siç janë ‘Ditari’, ‘Në emër të popullit’ dhe në rubrikën ‘Opinione’”, shton ai. Ndërkaq, lexuesi tjetër Avni Rexhaj, zyrtar komunal për zhvillimin e sportit, shprehet në superlativ për përfshirjen e ngjarjeve në rubrikën “Sport”. “Me vëmendje të veçantë përcjell të gjitha të arriturat në këtë fushë dhe sidomos të arriturat e shqiptarëve edhe në përmasa ndërkombëtare dhe në mënyrë të posaçme adhuroj sukseset individuale dhe kolektive, sidomos të atyre të nivelit të përfaqësimit të shtetit të Kosovës”, shprehet ai, duke konsideruar se sukseset në këtë fushë shkojnë në favor të imazhit të mirë për vendin. Megjithatë, Rexhaj preferon më shumë shkrime për të arriturat në nivel të komunave për fushat e caktuara sportive. Për Rexhep Maksutajn, arsimtar i shkollës fillore “Isa Boletini“ në Isniq, faqja e preferuar e tij është kultura. “Nuk mund të kaloj ditën pa shfletuar këtë gazetë, e cila për mua zë vendin e parë për trajtim të temave dhe problemeve që preokupojnë qytetarët e vendit”, thotë ai, kurse para së të gjithash parapëlqen të lexojë faqen e kulturës, sidomos fejtonistikën, por edhe të arriturat në fushën e artit, letërsisë dhe muzikës. Njëkohësisht, ai preferon më shumë shkrime në fushën e arkeologjisë dhe të trashëgimisë kulturore dhe historike.

“Zëri” është bërë gazetë për të gjithë, shprehet Shqipe Berisha, nxënëse e gjimnazit “Vëllezërit Frashri” në Deçan. “Jashtëzakonisht më pëlqen shtojca “Zip”, sepse aty gjej të arriturat e mëdha në këtë fushë, nga shqiptarët, por edhe nga gjithë të tjerët”, thotë ajo, duke treguar se është lexuese e rregullt edhe e faqeve tjera të kësaj gazete, kurse sa u përket shpërblimeve thonë se me vazhdimin e lojës, deçanasit presin shpërblime më të shumta se deri më tani.

C. Mazrekaj

“Zërit” po i shtohen lexues të rinj

Gjilan. Gazeta “Zëri” vazhdon të mbetet ndër gazetat më të besueshme në Gjilan, kurse loja e madhe shpërblyese “Fito me Zëri” vazhdimisht po e shton interesimin për këtë gazetë. Esat Selimi, lexues i rregullt, thotë se “Zëri” në mënyrë shumë reale i paraqet gjërat, duke u dalluar nga gazetat tjera që dalin në vend. Ai thotë se më me ëndje i lexon temat që kanë të bëjnë me politikën, derisa edhe pse nuk është i pasionuar pas lojës së madhe shpërblyese, për të thotë se paraqet risi. Atij asnjëherë nuk i ka shkuar mendja se mund të jetë ndonjëri nga fituesit e ardhshëm të shpërblimeve. Sipas tij, ndoshta loja

edhe e ka rritur numrin e lexuesve, por shton se nuk shitet “Zëri” shkaku i lojës shpërblyese, por shkaku i cilësisë që ka. Gjithsesi se sipas Selimit, “Zëri” mbetet njëra ndër gazetat më reale dhe më të paanshme që ka vendi dhe derisa të jetë ashtu, ai do të mbetet lexues i rregullt i saj. Qamil Llapashtica, me profesion artist, thotë se më me ëndje nga të gjitha rubrikat që i shpalos “Zëri”, janë ato që kanë të bëjnë me kulturën, por siç thotë ai, do të dëshironte që më shumë hapësirë t’i jepej artit pamor, muzikës dhe zhanreve të tjera të kulturës. Ai thotë se edhe pse është lexues i rregullt i gazetës “Zëri” deri më tashti nuk ka qenë fitues i ndonjë shpërblimi. Sipas tij, loja ngjall kërshërinë e lexuesve dhe është kënaqësi kur sheh se dikush ka fituar veturë, apo ndonjë shpërblim tjetër dhe edhe vetë do të dëshiroje që të kesh një fat të tillë. Siç ka thënë Llapashtica, pret që në të ardhmen edhe ai të jetë fitues i ndonjë shpërblimi. Xhelal Isufi, shitës gazetash, thotë se nuk i mjaftojnë ekzemplarët e “Zërit”. Ai thotë se qysh në mëngjes vërehet interesimi për këtë gazetë dhe se krahas lexuesve të rregullt, “Zërit” po i shtohen edhe lexues të rinj, andaj do të ishte mirë që të ketë edhe ndonjë numër më shumë të kësaj gazete.

E. Sadiku