Ndarja e qindra shpërblimeve të ndryshme brenda një dite për lexuesit e gazetës, e ka bërë “Zërin” një gazetë shumë atraktive në çdo cep të Kosovës. Llojllojshmëria e shpërblimeve ka shtuar rregullisht lexuesit e gazetës, edhe pse nuk është vetëm loja ajo që i shtynë ata ta blejnë gazetën, por edhe trajtimi i temave të ndryshme si dhe rubrikat e shumta dhe interesante të gazetës, janë faktori kyç për lexuesit.

E përditshmja “Zëri” vazhdon ta ruajë epitetin e gazetës më të lexuar në komunën e Klinës. Shumë nga lexuesit e saj shprehin konsideratën për seriozitetin që “Zëri” është duke e treguar çdo ditë e më tepër me materialet e ndryshme që po ofron për lexuesit e rregullt të kësaj gazete.

Siç e pohojnë edhe vetë qytetarët e Klinës, “Zëri” është gazetë për të gjitha kategoritë e shoqërisë sonë. Në kërkim të qytetarëve që janë lexues të kësaj gazete, rastësisht takuam lexuesin e ditëve të para të “Zërit”, avokatin dhe profesorin e nderuar Gjergj Skeli.

“Të përditshmen ‘Zëri’ e lexoj rregullisht qysh nga numri i parë i daljes së saj. Është gazetë serioze, informatat dhe shkrimet i ka shumë përmbajtjesore dhe të drejta”, është shprehur ai në prononcimin e tij.

Z. Skeli tregon se si në një kohë si lexues i rregullt i ka falur një qytetari nga komuna e Prizrenit shumë ekzemplarë të “Zërit”. Mirëpo siç thotë ai, për shkak të luhatjeve të një periudhe të caktuar ai kishte hequr dorë nga leximi i gazetës “Zëri”, por, sipas tij, nuk kishte kaluar shumë kohë dhe i është kthyer sërish leximit të kësaj gazete.

“Ardhja e stafit të ri në krye të ‘Zërit’ e ndryshoi politikën redaktuese dhe tani për tani ‘Zërin’ e kam gazetë shumë për qejf”, ka shtuar ai. Profesori Skeli pranon se loja shpërblyese i tërheq shumë lexuesit që të shpresojnë në fatin e tyre. “Unë po shoh çdo ditë fitues të shumtë dhe i përgëzoj ata për fitimet, mirëpo ajo çka më intereson më së shumti mua është se gazetarët dhe udhëheqja e kësaj gazete janë shumë profesionalë edhe sa i përket aspektit gjuhësor, pasi që edhe vetë jam profesor i gjuhës dhe letërsisë shqipe.

Këtyre fjalëve do t’u përmbahem derisa ta vërtetoj të kundërtën e tyre”, ka thënë ndër të tjera lexuesi i rregullt i gazetës “Zëri”, avokati Gjergj Skeli. Në anën tjetër Qëndrim Bojaj, lexues i gazetës “Zëri”, thotë të jetë shumë i pasionuar pas kësaj gazete.

Ai tregon se çdo ditë e gërvisht “Zërin” duke treguar se disa herë ka qenë fitues i disa prej shpërblimeve që kjo gazetë i ka ofruar atij. Faktin se “Zëri” vazhdon të shtojë lexuesit e tij nga dita në ditë e konfirmojnë edhe shitësit e gazetave ditore.

Elez Leci, koordinator i shitjes së gazetave ditore në Klinë, tregon se “Zëri” është gazetë që shitet në orët e para të mëngjesit.

Edhe Fahrije Bojaj, pronare e kioskut “Agnesa”, në Klinë, thotë se vetëm brenda 1 ore ajo ka shitur rreth 35 ekzemplarë të gazetës “Zëri”, duke bërë thirrje që të sillen më shumë ekzemplarë të kësaj gazete për lexuesit klinas.

Sadri Haxhaj

Përmbajtja e lojes shpërblyese shtuan lexueshmërinë e “Zërit”

Mitrovicë. Vazhdimi i lojës shpërblyese në “Zëri” është mirëpritur nga lexuesit e saj edhe në Mitrovicë. Ata thonë se krahas përmbajtjes shumë të mirë, loja shpërblyese ia ka shtuar lexueshmërinë “Zërit” dhe e ka radhitur ndër më të lexuarat në Mitrovicë. Egzon Begu, student, tha se edhe pse deri tash nuk ka arritur të fitojë ndonjë shpërblim të “Zërit”, është lexues i rregullt i kësaj gazete, në të cilën ka tema interesante nga përditshmëria dhe realiteti kosovar.

“Nuk e marr ‘Zërin’ vetëm për shkak të lojës shpërblyese, por edhe për të lexuar tema e komente të ndryshme nga sferat e ndryshme të jetës”, tha Begu. Pensionisti Hamëz Rreci, tha se është lexuesi i rregullt i kësaj gazete që nga numri i parë i daljes së saj si gazetë e përditshme.

“Me duhet ta marrë në mëngjes, pasi më vonë nuk gjendet në shitje”, tha Rreci dhe shtoi se interesimi për gazetën “Zëri” është i madh. Ai tha se lexuesi i “Zërit”, jo vetëm që informohet me tema e ngjarje interesante që ndodhin te ne dhe në botë, por kjo gazetë përmes lojës shpërblyese po ofron edhe shpërblime të shumta më çka është shndërruar në gazetën më atraktive dhe më të kërkuar në Mitrovicë.

Pronari i një objekti për shitjen e duhanit, afër ish-tregut të gjelbër, Fikri Abazi, tha se është shtuar dukshëm shitja e gazetës. “Kërkesat janë të vazhdueshme dhe së shpejti do ta shtojë numrin e ekzemplarëve të gazetave”, tha Abazi, sipas të cilit disa lexues që e kanë blerë gazetën tek ai kanë fituar shpërblime të ndryshme.

‘Zëri’ ka pësuar ndryshime të mëdha pozitive në kualitet dhe përmbajtje duke u sjellë lexuesve risi të ndryshme”, është shprehur Abazi. Alban Shala, nxënës, tha se zgjatja e lojës shpërblyese në gazetën “Zëri” është mirëpritur edhe nga lexuesit mitrovicas, të cilët këtë gazetë e konsiderojnë si më të lexueshmen e më të besueshmen në Mitrovicë.

“Lexuesit mitrovicas e kanë shtuar interesimi për gazetën ‘Zëri’”, tha Bedri Sadiku, sipas të cilit, kjo gazeta është bërë edhe më e lexueshme dhe më atraktive edhe për shkak të lojës shpërblyese.

Ai tha se edhe pse e lexon vazhdimisht këtë gazetë ende nuk ka arritur të fitoj ndonjërin nga shpërblimet e gazetës, por kjo nuk do të thotë së një ditë nuk do të fitojë ndonjë çmim, që do t’i mbeste kujtim nga gazeta. Rifat Broja, arsimtar, tha se është lexues i rregullt i gazetës “Zëri”, pasi ofron befasi të ndryshme për lexues.

Broja tha se do të vazhdojë të lexojë këtë gazetë edhe në të ardhmen. Ai për lojën shpërblyese tha se është edhe një argument shtesë që e shtyn qytetarin ta blejë “Zërin”. Kastriot Morina, shitës në dyqanin e plisave në Mitrovicë, tha se vazhdimisht e lexon gazetën “Zëri”, dhe pret që deri në fund të lojës shpërblyese të jetë fitues i ndonjërit shpërblimi që i ndan kjo gazetë.

Edhe shitësit e gazetave në Mitrovicë, Qerim Voca, Ali Beka, Bajram Rexhepi…na thanë se “Zëri” vazhdon të mbetet ndër gazetat më të kërkuara nga lexuesit. Se është kështu flet fakti se numri i kërkesave për këtë gazetë po shtohet në çka ka ndikuar edhe Loja e Shpërblyese.

Bekë Abazi