Gazeta më e mirë në vend “Zëri”, vazhdon që lexuesve të vet përveç përmbajtjeve cilësore nga të gjitha fushat, t’u sjell edhe qindra shpërblime të ndryshme çdo ditë.

Si fituesit, por edhe ata që deri më tani nuk kanë pasur fat të fitojnë, por që shpresojnë të fitojnë në të ardhmen, kanë fjalë të mira për gazetën dhe shpërblimet që ofron kjo gazetë.

Njëra prej lexueseve të gazetës, të cilës të shtunën i buzëqeshi fati dhe u bë fituese e 200 eurove, që i ndan Banka Ekonomike, ishte Afërdita Makolli nga Prishtina. Ajo ka rrëfyer se si e ka përjetuar këtë. “Mëngjesin e sotëm sapo nisa të pij kafenë e mëngjesit, e shfletova gazetën dhe pasi arrita deri kah mesi i saj, më shkoi mendja te loja shpërblyese. Pasi gërvishta kuponin e lojës, kuptova se fi tova 200 euro. Në fillim u hamenda dhe nuk dita se çfarë t’i them familjes.

U gëzova shumë sepse për herë të parë fitova këtë shumë të madhe të të hollave dhe për këtë e falënderoj shumë gazetën “Zëri”. Jam lexuese e rregullt e gazetës dhe çdo mëngjes e nisi me të, madje duke pirë edhe kafenë e mëngjesit”, është shprehur e lumtur Afërdita. Edhe fi tuesi i një DVD-je, Murat Ademaj nga Istogu, përveç lojës shpërblyese, e lavdëron vetë gazetën. “Gazetën ‘Zëri’ gjithnjë e kam blerë dhe vazhdoj ta blej për ta lexuar sepse përmban artikuj mjaft kualitativë që në asnjërën nga të përditshmet tjera nuk mund t’i gjesh.

Ndërsa pjesa e lojës është edhe një plus i madh sepse lexuesit po kanë rastin edhe të shpërblehen. Unë fatmirësisht deri më tani kam fituar disa herë por t’ju them të drejtën ‘Zërin’ nuk e blej vetëm për të fituar, por më shumë për ta lexuar”, është shprehur ai. Arbëresha Ademi nga Prishtina, është fituese e kuponit në vlerë 50 euro nga “MiniMax”. “‘Zëri’ është gazeta që më pëlqen më së shumti, e kam lexuar gjithnjë, mirëpo tani po më tërheq edhe më shumë për shkak të lojës.

Tani e disa javë kam fi lluar t’i blej nga 3 gazeta në ditë dhe deri më tani kam fituar disa herë. Ndërsa sot fitova 50 euro në ‘MiniMax’ që është një mundësi e mirë për t’u furnizuar me këtë shumë mjaft të madhe të të hollave. E falënderoj shumë ‘Zërin’ që po i shpërblen lexuesit e saj”, është shprehur Arbëresha. Një fi tues tjetër i një shpërblimi të vlefshëm, ishte edhe Visar Çarolli nga Ferizaj, i cili ka fituar një Sony PlayStation 3. Ai thotë se nuk ka menduar të fi tojë ndonjëherë, pasi “Zërin” e blen për ta lexuar.

“Nuk më ka shkuar mendja se mund të fi toj, sepse ‘Zërin’ e blej për ta lexuar, mirëpo kjo është një plus i madh dhe në momentin që fi tova u gëzova shumë bashkë me shokët e mi me të cilët ndodheshim në kafene. Është mjaft shumë që në ditët e sotme të fitosh një Sony PlayStation 3, por gazeta ‘Zëri’ është një gazetë e madhe me një staf të mrekullueshëm që kanë gjetur mënyrën se si t’i shpërblejnë lexuesit e vet”, ka deklaruar Visari. K.BAJRAMI

“Zëri” e mban primatin në Gjilan

Gazeta “Zëri” vazhdon të jetë më e kërkuara në Gjilan. Numri i lexuesve po shtohet gjithnjë e më shumë, kurse përpos materialeve interesante e të paanshme që po sjell kjo gazetë, në popullaritetin e saj dukshëm ka ndikuar edhe Loja e Madhe Shpërblyese. Mehmetali Rexhepi, drejtor shkolle, thotë se e përcjell gazetën “Zëri” që nga dita e parë e paraqitjes në treg.

Ai thotë se është lexues i rregullt i rubrikës së opinioneve dhe do të dëshironte që shkrime të tilla të ketë edhe më shumë. Shkrime tjera që e joshin Rexhepin janë edhe ato nga kultura, sidomos artikuj nga arti, letërsia dhe shkenca. Lojën e Madhe Shpërblyese të Gazetës “Zëri”, ai e sheh si diç që i tërheq lexuesit dhe është ithtar i asaj që mundësisht fondi i shpërblimeve të rritet edhe më shumë. Burim Kadriu, punëtor në Zvicër, thotë se sa herë që ka kohë të lirë e lexon gazetën “Zëri” edhe në Zvicër dhe se pikërisht nga kjo gazetë njoftohet në lidhje me zhvillimet që ndodhin në komunë.

Ai do të dëshironte që sa më shumë të ketë shkrime për bashkatdhetarët, derisa Lojën e Madhe Shpërblyese të “Zërit” e sheh si një mundësi shtesë për argëtim. Ngjashëm shprehet edhe Fazli Rrahmani, punëtor, i cili thekson se është pikërisht gazeta “Zëri” ajo që i pëlqen më së shumti dhe të cilën e lexon për çdo ditë.

Siç ka theksuar Fazliu, në familjen e tij, të gjithë anëtarët janë kureshtarë se a do të jenë fitues të ndonjërit nga shpërblimet që i jep gazeta “Zëri”. Ai ka thënë se loja duhet të vazhdojë e të mos ndalet, ngase kjo risi që për herë të parë e solli gazeta “Zëri”. Ndryshe shitësit e gazetave në Gjilan, shprehen se “Zëri” vazhdon të mbetet ndër gazetat më të pëlqyera dhe më të kërkuara dhe megjithëse të tjerët po mundohen ta kopjojnë nuk po ngjallin interesim sa “Zëri”. E. SADIKU

Sharrjanët lavdërojnë “Zërin”

Të gjithë lexuesit e gazetës “Zëri” në Sharr, të cilët kohëve të fundit janë shtuar dukshëm,

kanë fjalë miradije për të, duke theksuar së tashmë me cilësinë e saj mund të krahasohet edhe me gazetat më prestigjioze në rajon dhe më gjerë, ka bërë të ditur Gëzim Mustafa, shitës i gazetave në qoshkun kryesor të qytezës.

Sipas tij, lexuesit shprehen të kënaqur me fizionominë e re të gazetës, të pasuruar me rubrika e tema mjaft interesante për lexuesit e të gjitha moshave, duke filluar nga më të vegjlit, të cilët për çdo ditë e kanë faqen e tyre, e deri tek më të moshuarit. Afrim Hasani, student, lexues i pasionuar i kësaj të përditshmeje, ka nënvizuar se edhe më parë ai ka qenë lexues i kësaj gazete, por jo edhe aq i rregullt, ndërkaq kohëve të fundit nuk e lëshon asnjë numër pa e lexuar.

“Me meritë, kjo gazetë tashmë zë vendin e parë për kah lexueshmëria në vend. Këtë e ka arritur me një staf të aftë e kreativ, si dhe me gazetarë profesionistë e të guximshëm, të cilët nuk ngurrojnë të prekin edhe tema mjaft të ‘nxehta’, për të cilat shumë gazeta tjera nuk e kanë guximin që t’iu rreken”, ka vlerësuar ai, për të shtuar se, dorën në zemër, edhe loja shpërblyese i josh lexuesit, ngase edhe ata që kurrë nuk janë marrë me lojërat e fatit, tashmë me blerjen e kësaj gazete dhe gërvishtjes, për çdo ditë e provojnë edhe fatin e tyre.

Megjithatë, sipas tij, në Sharr ende nuk ka arritur ndonjë shpërblim më i madh. Edhe Rami Selaj, ekonomist, pohon se kjo gazetë për momentin radhitet në vendin e parë për kah lexueshmëria në këtë komunë. “Këtë e ka arritur me plot meritë, ngase, me tema

interesante, të cilat i joshin lexuesit e të gjitha moshave, ka arritur që për një kohë të shkurtër të arrijë nivelin e lakmueshëm, të cilin, deri më tani, nuk ka mundur ta arrijë asnjë e përditshme tjetër në vend.

Por edhe loja shpërblyese është si një ‘shllag’ i mirëpritur për ne lexuesit, ngase për çdo ditë presim se mund të na buzëqesh fati, për faktin se shpërblimet janë të shumta”, ka pohuar ai, për të shtuar, duke qeshur, se “përse një ditë të mos arrijë vetura luksoze edhe në lartësitë e Sharrit?”. S. KRYEZIU