Gazeta “Zëri” çdo ditë e më shumë po tërheq lexues të rinj, kjo falë përmbajtjes, por edhe lojës atraktive shpërblyese. Me qindra shpërblime ndahen çdo ditë nga kjo e përditshme, ndërsa shpërblimet janë tejet tërheqëse.

Edhe ditëve të fundit shumë lexues u janë gëzuar shpërblimeve të ndryshme mjaft atraktive. Dhe më i lumturi ndër ta, ishte Sefer Demiri nga Gjilani, i cili ka fituar një iPhone 4, që e ndan kompania “EuroPrinty”.

Me nga 50 euro nga banka Raiffeisen janë shpërblyer shumë’ lexues, ndër ta edhe Nuha Gashi nga Prishtina, Shefkije Xhemajli, po ashtu nga Prishtina, Kemajl Rexhepi nga Ferizaji, Blerim Pajaziti nga Prishtina, Elsedat Rexhepi po ashtu nga Prishtina dhe Sefer Demiri nga Ferizaji, derisa me kupon në vlerë po ashtu nga 50 euro, që janë shpërblime nga qendra tregtare MiniMax, janë shpërblyer Senavere Pllana-Xhema, Ejup Breznica, Kamber Vrajolli, Lumnie Ahmeti, Arianit Thaçi, të gjithë nga Prishtina, pastaj Gegë Dodaj nga Klina, Smajl Zogaj nga Prizreni dhe Brahim Selimaj nga Peja.

Ndërsa me nga 5 euro mbushje, çdo ditë shpërblehen 70 lexues të gazetës.

“Zëri” shitet shumë herët

Nga ana tjetër, kërkesa për gazetën “Zëri” po rritet dita-ditës dhe lexues të rinj po aderojnë ‘armatën’ e madhe të lexuesve të kësaj gazete. Këtë e konfirmojnë edhe shumë shitës të gazetave në kryeqytet, por edhe në komunat tjera. Njëri prej tyre është edhe Nysret Gashi, i cili posedon një qoshk në Dardani.

“Gjithmonë kam pasur një lloj simpatie ndaj gazetës ‘Zëri’. Fatmirësisht këtë të përditshme e kam çdo ditë në duar meqenëse edhe jam shitës në këtë qoshk. ‘Zëri’ vazhdon të kërkohet mjaft shumë nga të gjithë moshat.

Tani kjo gazetë ka krijuar imazh të mirë te secili, andaj edhe është duke prirë në treg. Çdo ditë i marrë nga 15 ekzemplarë të saj dhe menjëherë më shiten”, është shprehur ai. Edhe Flora Haxholli, e cila ka një dyqan po në Dardani, e konfirmon interesimin e shtuar për gazetën “Zëri.

“Gazeta ‘Zëri’ është mjaft e kërkuar në treg. Kam vërejtur se tani e disa muaj mund të them se prin në tregun tonë. Unë personalisht jam adhuruese e kësaj gazete, sepse përveç lojës ‘Lexo dhe Fito’ më intereson të informohen për çdo gjë që ndodh në vend dhe fatmirësisht në këtë gazetë i gjej të gjitha.

Loja ka ndikuar mjaft shumë në kërkesat e lexuesve. Kam vërejtur se çdo ditë e më shumë loja po bëhet më interesante dhe lexuesit po fitojnë mjaft shumë”, ka theksuar Flora. Shitësi tjetër, Kadri Jetullahu, thotë se e ka dyfishuar shitjen e gazetës muajve të fundit.

“Para disa muajsh në shitoren time kam marrë vetëm 10 gazeta në ditë, ndërsa tani numri është dyfishuar dhe i marr 20 gazeta në ditë. Më besoni se të gjitha shiten shumë shpejt, në orët e pasdites nuk mund të gjesh ‘Zëri’, askund sepse ajo shiten në mëngjes.

Këtu tek unë më e kërkuara tani për tani është gazeta ‘Zëri’ dhe më pas pësojnë të tjerat, por më besoni se edhe loja shpërblyese ka ndikuar mjaft”, është shprehur ai.

“Zëri”, gazetë që nuk ndërrohet me tjera

Gazeta “Zëri” po e rrit numrin e lexuesve edhe në Gjilan e për këtë flasin edhe shitësit e gazetave. Ganimetja, punonjëse në arkë vetëshërbimi, thotë se mesdita nuk i zë gazetat që vijnë në vetëshërbimin ku ajo punon.

Ajo thotë se ka lexues të rregullt të kësaj gazete, njerëz që për çdo ditë e blejnë vetëm këtë gazetë e sipas saj, vargut të tyre i janë shtuar edhe lexues të rinj, por edhe se ka blerës të cilët më shumë rëndësi i kushtojnë Lojës së Madhe Shpërblyese.

Sefet Rexhepi, profesor i gjeografisë në Gjimnazin “Zenel Hajdini” nga Gjilani, thotë se që prej se gazeta “Zëri” ka dalë në treg, është lexues i rregullt i saj e siç i thotë ai, as që e ka ndërmend ta ndërrojë këtë gazetë me ndonjë tjetër, aq më parë që tashti gazeta është më e pasur me artikuj të ndryshëm dhe tejet interesantë.

Profesori Safet, thotë se me ëndje i lexon fejtonet, shumë prej të cilëve edhe i ruan, kurse me ëndje i lexon edhe ngjarjet që kanë të bëjnë me aktualitetin dhe me zhvillimet në komunën e Gjilanit, derisa një pjesë të kohës ia kushton edhe mbushjes së fjalëkryqit.

Ai thotë se Loja e Madhe Shpërblyese, ka ngjallur edhe më shumë interesimin për këtë gazetë, që domosdo gjëja e parë që e blenë të shtynë ta gërvishtësh dhe ta provosh fatin. Safeti thotë se “Zërin” do të vazhdojë ta lexojë edhe në të ardhmen, por me kushte që ajo ta mbajë këtë formë e bile edhe të pasurohet edhe më shumë.

Bilall Gashi, punëtor në Gjermani, thotë se kur është në Gjermani shpesh ndodh që pasi të kthehet nga puna e kërkon gazetën, por nuk mund ta gjejë, andaj shpesh kthehet ta blejë në mëngjes e lexues edhe më i rregullt është kur vjen në vendlindje. Ai thotë se i ka pëlqyer ideja shumë për lojën shpërblyese dhe se shpesh ndodh që me anëtarët e familjes të nguten se cili do jetë më me fat.

Edhe Erzen Arifi, nxënës, thotë se tash së voni është futur në botën e leximit të gazetave. Ai thotë se te “Zëri” i pëlqen shumë dizajni i saj dhe se edhe shtojcat për të rinj, automobilizëm, botën e kompjuterëve e shtojca të tjera e kanë bërë këtë gazetë më të pranueshme për lexuesit, derisa popullaritetin e gazetës sipas tij shumë e ka shtuar loja shpërblyese, e cila gjithsesi se duhet të vazhdojë edhe në të ardhmen. E. Sadiku