Nga Galeria e Arteve të Kosovës bëhet me dije se konkursi për ekspozitën kushtuar 100 vjetorit të lindjes së Nënës Terezë "Jeta dhe vepra e Nënës Terezë" mbetet i hapur dhe për një javë më gjatë. Arsye për këtë shtyrje afati është arritja e një numri të pamjaftueshëm i veprave konkurruese deri në afatin e caktuar me konkursin e nxjerrë në shtyp të datës 30 qershor.

Konsiderojmë se ekspozita kushtuar kësaj figure me përmasa universale meriton një përkushtim të veçantë dhe se artistëve, që kanë filluar të krijojnë diçka kushtuar kësaj ngjarjeje, duhet tu jepet edhe pak kohë për t’i përfunduar ato dhe për ti sjellë në Galeri. Afati i fundit për të konkurruar në këtë Konkurs është 6 shtatori i vitit 2010, thuhet në shpjegimin shtesë të konkursit të GAK.