Kurorëzimi i një rrugëtimi me bizhuteri, të pikturuara me akrilik, kanë zënë vendin

në hapësira të veçanta, të hënën, në Galerinë e Arteve të Kosovës , ku artistja nga

Shqipëria Helona Ruli hapi ekspozitën e saj personale. Ndërsa imazhet e bizhuterive nxirrnin në pah bukurinë e tyre, artistja Helona Ruli në ciklin e saj “The living road”, ka pasqyruar unifikimin mes artit të bizhuterisë, pikturës dhe fotografisë, duke nxjerrur kështu pikturën nga korniza dhe duke e sjellë në artin e bizhuterisë.

Ekspozita përmbledhtë një seri të ciklit të saj imazhesh, me gjithsejt 25- bizhuteri

të pikturuara me akrilik, të spërkatura në morinë e ngjyrave, formave dhe teksturave, duke krijuar kështu piktura me të spikatura ngjyrash, që kombinohen me dekorin përreth.

Me rastin e hapjes kritiku Mustafa Ferizi ka vlerësuar punën e palodhshme të krijueses nga Shqipëria, duke e vlerësuar eksplorimin e marrëdhënies mes fotografisë artistike dhe instalacionit që i qasen artit të bizhuterisë, pikturës dhe fotografisë.

Ai gjithashtu ka vlersuar bashkëdyzimin e artit të muzikës dhe artit pamor që autorja ka ndërthurur në këtë ekspozitë.

Artistja Ruli për herë të parë ishte prezantuar me konceptin e artit pamor në Galerinë “Zenit” në Tiranë. Rrugëtimin e kësaj ekspozite tashmë Ruli kishte vendosur që ta përcjell tutje edhe këtu tek artdashësit e Prishtinës, porse siç ka thënë ajo, kjo ekspozitë “The living road” apo (Rrugëtimi i pafund) nuk do të ndalet këtu , por do të marrë rrugëtimin edhe në vende të tjera si në Nju Jork, etj.

Ajo ka konsideruar që përveç këto bizhuteri të jenë unike, ato vijnë si element i veçantë brenda saj, që përcjellin një ndjesi të veçantë rregulli, ekulilbri dhe harmonie,

ku ngjyrat që vibrojnë na vijnë si pasojë e përdorimit të guximshëm dhe eksperimental

të saj, duke pasqyruar kështu një paraqitje të vizionit të saj dhe duke mos braktisur edhe traditën dhe vlerat e një epoke të shkuar.

Megjithate ajo ka shtuar që këto bizhuteri që shprehin mesazhin drejt së bukurës dhe estetikës, megjithate shprehin edhe një efekt emocional e shpirtëror, duke bartur në

vete elemente të kësaj kulture nga etnosi dhe tradita shqiptare.

Këto elemente të pasqyruara na lënë shenja të dukshme peneli me një elegancë të paraqitur nga autorja, ku artdashësit medoemos do të tërheqnin vëmendjën e tyre

duke filluar prej hijeshisë së rafinuar e deri tek procesi i pikturimit.