Tashmë dihen finalistët e spektaklit të madh të talenteve, “The Voice of Albania”, ndërsa zgjedhjet e bëra në një mbrëmje të jashtëzakonshme kanë mundur të lënë shumë pretendentë në lot, edhe pse ishin plotësisht meritorë.

Nga spektakli janë larguar Xheraldina Berisha, Drilon Shala dhe sensacioni Ylli Limani, të tre këta ndër zërat më të bukur të spektaklit, por që pas gjysmëfinales të mbajtur të premten do të kthehen në Kosovë. Pos tyre është larguar edhe Arilda nga ekipi i Alma Bektashit.

Xheraldina me sharmin dhe me zërin fascionant ishte ndër favoritet e spektaklit, por nuk arriti më shumë se gjysmëfinalen. E nëse është dikush që ka mundur ta marrë vota, atëherë ai është pa dyshim Ylli Limani.

Njeriu i cili ka krijuar dhjetëra mijëra fansa në Facebook, nuk ka arritur ta kalojë dot gjysmëfinalen edhe pse ishte po ashtu ndër favoritët. Sidoqoftë, të lartpërmendurve nuk u mjaftoi sharmi dhe votat për të kaluar në finale.

Në finalen e madhe janë kualifikuar me plot meritë Enrika, Lundrimi, Marsela dhe e vetmja kosovare e mbetur Rina Bilurdagu. Rina vjen nga Prizreni dhe studion piano. Ajo mbetet të bëjë performancën e saj finale të premten e ardhshme.