Aktorja kosovare Arta Muçaj do të shfaqet si një nga katër diplomatet e nivelit të lartë nga Greqia dhe Troja, duke u përpjekur që të minimizojnë rrezikun e luftës. E gjithë kjo ka të bëjë me impresionimin e njerëzve dhe humanitetit.

Muçaj kështu ka marë rolin e parë ndërkombëtar. Ajo do të luajë rolin e Helenës, rol ky i parë për aktoren që prej kohës kur ajo është vendosur në Australi, atje ku edhe po fillon karierën e saj prej aktores.

“Unë në të vërtetë po luaj rolin e diplomates greke, e mprehtë, cinike, një grua shumë impresive dhe e ftohtë. Ajo është në dijeni për bukurinë e saj” thotë Muçaj, duke shtuar se beson që diplomatët duhet të kenë një vendosmëri në drejtësi, gjë që nuk do të ndodhë në këtë shfaqje.

“Rezultati është i papërshkrueshëm”, thotë ajo. Arta ka lindur në Prizren, ka studiuar në Akademinë e Arteve të Bukura të Tiranës dhe është diplomuar në vitin 1996. Ka punuar si aktore në Teatrin Kombëtar të Kosovës për nëntë vjet me radhë.

Aktorja e njohur flitet se është martuar për një biznesmen dhe jeton prej disa vitesh atje, duke ndihmuar bashkëshortin në biznes, por edhe duke tentuar që të shfaqë talentin e saj në aktrim.

Kohëve të fundit për disa intervista ajo deklaroi se ka marrë oferta edhe për role tjera filmike. Disa prej roleve të saja teatrore mbesin “Hotel Europa” nga Kris Torch, “Babai” nga Albert Strindberg, “Vdekja dhe Vasha” nga A.Dorfman, ndërsa ka luajtur edhe në filmat “Anatema” dhe “Vjeshta e trëndafilave”. Vlen të ceket gjithashtu edhe pjesmarrja e saj në prodhimin e Radio Televizionit Shqiptar “Njerez dhe fate” ku ajo luajti rolin e Didit.