Rokerët e mëdhenj të botës, si Metallica dhe Lou Reed, janë bërë bashkë në albumin e quajtur “Lulu”, i cili ka dalë në lansim këtë javë. Dy artistët janë frymëzuar nga veprat e shkrimtarit ekspresionist gjerman, Frank Wedekind, për ta punuar albumin e përbashkët me titull “Lulu”, me të njëjtin emër siç tashmë njihen edhe dramat e shkrimtarit gjerman, Earth Spirit dhe Pandora’s Box.

“Lulu” njihet botërisht si një dramë që flet për jetën e një balerineje të dhunuar, marrëdhëniet e saj me të tjerët dhe ndikimet psikike e fizike në jetën e saj. Që nga debutimi i saj, dikur në vitet 1900, drama ka qenë inspirim për realizime filmike (Pandora`s Box, në vitin 1929), për opera, dhe për krijime tjera të pafundme artistike.

Drama gjatë gjithë këtyre viteve gjithashtu ka pasur diskutimet e saj kontroverse, duke sfiduar moralin dhe standardet e jetës seksuale në ditët e asokohshme, duke u lidhur me realitetin e viteve të fundit. Teksti origjinal i “Lulu” ka qenë i skicuar nga Lou, dhe që nga koncert i përbashkët i Reed dhe Metallica në qendër të Nju-Jorkut në vitin 2009, tanimë ka qenë e ditur se dyshja do të bëjë hitin dhe bashkëpunimin e radhës.

Projekti “Lulu” ka filluar në maj të këtij viti, prapë me tekste origjinale të shkruara nga artisti Lou Reed. Albumi, i cili do të dalë në shitje në tërë botën më 31 të këtij muaji, është cilësuar si eksperimental dhe kolaborativ, me miks nga një artist roker siç është Lou Reed, dhe heavy metallsat siç janë “Metallica”. Albumi përmban dy kompilime, me gjithsej 16 këngë dhe minutash prej 87 minutash.

“Metallica” janë shprehur të kënaqur me bashkëpunimin, ideja e të cilit ka lindur qysh në vitin 2009. James Hetfield tha se pjesa “Lulu” gjithmonë ka ngjallur debat, ndonjëherë kritika, prandaj ia vlen të luhet, sidomos nga grupi i tij. “E ndjej se jemi duke u ngjallur edhe ne si Metallica, mirëpo edhe tema për të cilën po luajmë. Lou është një artist që nuk e ka çdokush, prandaj sa të jemi me të, do të japim maksimumin në këtë minutash të gjatë” pohon anëtari i “Metallica”.

Pjesa “Lulu” gjatë gjithë këtyre viteve ka qenë mjaft e pëlqyer, ndërsa “The Telegraph”, shkruan se albumi i Metallicas në bashkëpunim me Lou Reed pritet të shitet në miliona kopje, duke e vlerësuar me tri nga pesë yjet e mundshme që mund t’i marrë një album muzikor.