Asnjë artist tjetër nuk identifikohet me Pop Art-in po aq sa Andy Warhol. Mediat e quajtën atë Princi i Pop’it. Warhol e bëri rrugën e tij nga një familje e klasës punëtore në Pitsburg, në një legjendë amerikane. Andy ka lindur në vitin 1928 në Pitsburg.

Në vitin 1949 shkon në Nju Jork, ku punon si ilustrator për revistat Vogue, Pazarit Harpar dhe për reklamat komerciale. Shumë shpejt ai do të bëhet një nga më të kërkuarit e Nju Jorkut, dhe ilustruesi komercial më i suksesshëm.

Më 1952 Andy Warhol e mbajti ekspozitën e tij të parë me të cilën u paraqit në Galerinë Hugo në Nju Jork. Në vitin 1956 ai kishte një ekspozitë të rëndësishme grupore në Muzeun e njohur të Artit Modern.

Në vitet gjashtëdhjetë Warhol filloi të pikturojë në objektet e përditshme të prodhimit në masë, si në kanaçet e supës Campbell dhe shishet e Coca Cola’s. Iu desh vetëm pak kohë që të bëhet një ndër figurat më të njohura në skenën e artit të New York’ut.

Nga viti 1962 filloi me printime të quajtura ‘silkscreen’ të personaliteteve të famshme si Marilyn Monroe apo Elizabeth Taylor.

Esenca e artit të Andy Warhol-it, qëndron në synimin e heqjes së dallimit në mes të arteve të bukura dhe arteve komerciale që përdoreshin për ilustrime revistash, libra komik, albumeve të incizuara ose fushatave të marketingut.

Warhol një herë shprehu filozofinë e tij në një fjali prekëse: "Po të doni edhe dyqanet e zakonshme, mund t’i shihni si muze”

Arti i Warhol-it në të 70’tat

Pas një sulmi vrasës, pas të cilit atij iu desh kohë që të shërohej, artisti i pop artit bëri një kthesë radikale në procesin e tij të punës artistike. Filozofi i prodhimit të artit në masë, siç e kanë quajtur atë, tashmë shumicën e kohës e kalonte duke bërë portrete individuale të personave të pasur dhe me ndikim të kohës së tij si: Mick Jagger, Michael Jackson apo Brigitte Bardot.

Aktivitetet e Warhol’it u bënë gjithnjë e më me ndikim. Ai themeloi revistën e quajtur Interview, ndërsa në vitin 1975 botoi librin Filozofia e Andy Warhol. Në këtë libër ai përshkruan se ç’është arti pë të: "Të bërit para është art, puna është art dhe biznesi i mirë është arti më i mirë."

Warhol ishte një homoseksual me një personalitet të çuditshëm. Një nga miqtë e Andy-t e përshkroi atë si një të varur nga puna. Warhol ishte i fiksuar nga ambiciet për t'u bërë i famshëm dhe i pasur. Dhe ai e dinte se ai mund të arrijë ëndrrën amerikane vetëm duke punuar shumë. Ai vdiq më 22 shkurt 1987.

Andy Warhol "Në jetën time, kur kërkoja shoqëri të vërtetë, nuk mund të gjeja ngrohtësi, kështu që pikërisht kur unë isha vetëm u ndjeva që nuk jam më vetëm. Atë moment vendosa që më parë do të jem vetëm dhe te mos kem askënd që të m’i tregoj problemet e veta, në atë moment njerëzit që nuk i kisha njohur më parë në jetën time filluan të vrapojnë pas meje.

Atëherë kur u bëra një njeri i vetëm në mendjen time, mora atë që ju mund ta quani një "vërtetësi." Sapo të ndaloni të doni diçka, ju e merrni atë. Unë e kam vërtetuar këtë në mënyrë absolute. "

"Gjatë viteve të 60’ta, mendoj se, njerëzit e harruan atë se çfarë janë emocionet. Mendoj që sapo t’i shihni emocionet nga një kënd i caktuar ju nuk mund të mendoni për ato si të vërteta sërish. Kjo është ajo që pak a shumë ka ndodhur me mua. Unë vërtetë nuk e di nëse isha ndonjëherë në gjendje të dashuroj, por pas viteve '60 nuk kam menduar më për "dashuri”.