Futboll. Adriano Galliani, nënkryetar i Milanit, nuk mund të fshehë gëzimin pasi skuadra e tij arriti që të sjellë në radhët e veta Zlatan Ibrahimoviçi.

Në Milan kanë qenë të heshtur gjatë tërë afatit veror kalimtar, ngase krahasuar me konkurrentët tjerë në futbollin italian, nuk nënshkruan më asnjë përforcim. Por, ardhja e suedezit Ibrahimoviç e ka kthjellur tërësisht Gallianin.

"Ibrahimoviç, Pato, Ronaldinho! Nuk njoh shumë skuadra që mund të kenë sulmues më të mirë sesa kjo treshe. Tani jemi të gatshëm të luajmë kundër secilit. Mund ta mposhtim secilën skuadër", klithi Galliani duke shtuar: "Është e pabesueshme sesa jam i lumtur që e kemi sjellë Ibrahimoviçin. Pikërisht një futbollist i tillë na duhej".