Futboll.Sipas lajmeve më të fundit nga mediet spanjolle, mesfushori holandez i Real Madridit, Rafael van der Vaart, ka mundësi që të kaloj në radhët e kampionëve të Bundesligës, Bayern Munihut.

Është spekuluar se edhe Schalke është e interesuar për mesfushorin, por thuhet se bavarezët janë të gatshëm të përfundojnë një marrëveshje 12 milionë euro së shpejti.

Van der Vaart nuk ka luajtur ndonjë rol në ndeshjen e parë të “Los Blancos” të stinorit të ri kundër Real Mallorcas. Djelmoshat e Jose Mourinhos përfunduan të zhgënjyer me një barazim pa gola, pavarësisht pritjeve të mëdha për klubin “mbretëror”.

Mediet spanjolle kanë publikuar një numër të madh të lojtarëve që priten të largohen nga Real Madridi para përfundimit të afatit kalimtar të verës. Njëri prej tyre është Lassana Diarra, dhe pas tij besohet të jetë Van der Vaart në listë.

Mirëpo, më vonë holandezi personalisht e ka hedhur poshtë mundësinë për largimin e tij nga “Santiago Bernabeu”.