Marco Materazzi i Interit ka ngritur dyshime të reja në lidhe me marrëdhënien e tij me këshilltarin e Real Madridit, Zinedine Zidane, pasi deklaroi se nuk ka pasur ndonjë përqafim ndërmjet tyre, pavarësisht lajmeve që sugjeruan se ata kishin shpallur paqe mes vete.

“Padyshim që nuk ka pasur përqafime”, ka thënë Materazzi për “Ansa” të premten.

Dhe “Matrix” ka hedhur poshtë sugjerimet që këta të dy i kanë rregulluar marrëdhëniet mes vete kur ai kishte vizituar Jose Mourinhon të mërkurën.

“Lajmet? Lërini të qarkullojnë”, u shpreh ai.

Të enjten e përditshmja spanjolle “Marca” deklaroi se këta të dy ishin pajtuar, pas mosmarrëveshjeve të tyre nga Kupa e Botës 2006.