Mbrojtësi i majtë anglez i Chelseat, Ashley Cole, beson se tani ai është në gjendje të përballoj lëndimin e tij afatgjatë në zogun e këmbës, dhe se stafi mjekësor i “Stamford Bridge” mund ta ndihmoj atë në zgjatjen e karrierës së tij në nivelin e lartë.

Cole, 29, ka pasur dy operime në zogun e këmbës, përfshirë atë në shkurt kur ai theu ashtin gjatë humbjes prej 2:1 nga Evertoni, duke detyruar mbrojtësin që të qëndronte tre muaj jashtë fushës.

“Unë i detyrohem shumë fizioterapeutit dhe stafit”, ka thënë Cole për “BBC Radio 5”.

“Unë bisedoj me trajnerin dhe ndonjëherë nuk stërvitem. Ne kemi pajisje të mrekullueshme dhe shpresoj që ta zgjas karrierën time sa më gjatë që të mundem”, shtoi ai.