Mesfushori shqiptar i talentuar, Sehar Fejzullahi, ka kaluar te skuadra e njohur e qytetit të Zurichut, Grasshopper. Ai së fundi ka qenë pjesë e FC Wil në ligën e dytë zvicerane, ndërsa më herët ka luajtur edhe për Baselin, St Gallen, Lugano, Vaduz, Aarau e Winterthur. 26-vjeçari ka nënshkruar kontratë deri në fund të sezonit me mundësi të vazhdimit të saj për një vit tjetër. Ai tanimë i është bashkuar ekipit në fazën përgatitore në Marbella të Spanjës.

Trajneri Ciriaco Sforza është shprehur i gëzuar për angazhimin e tij. “Sehar Fejzulahi është mesfushor sulmues i njohur për aftësitë e tij, këtë e dëshmoi edhe në kampin stërvitor. Jam i bindur se ai do të shfrytëzojë shumë shpejt rastin të adaptohet në ekip dhe t’i shërbejë skuadrës për më gjatë”, tha ai.

GC më 18 janar kishte zyrtarizuar huazimin e Taulant Xhakës nga Baseli, ndërsa në këtë skuadër nga më herët luajnë edhe Amir Abrashi, Orhan Mustafi, Endogan Adili, Mërgim Brahimi dhe Imran Bunjaku.