Përkundër barazimit në ndeshjen e kthimit me Barcelonën (2:2), Reali i tha lamtumirë kupës së mbretit. “Pas ndeshjes në teshatore i dëgjoja futbollistët të cilët thoshin se këtu është e pamundur ta mposhtim Barcelonën.

Në çka kanë menduar ata, është më mirë t’i pyetni futbollistët. Jam mësuar me gjëra të tilla pasi në situata të ngjashme isha edhe me Chelsea dhe Interin. E dinim se do ta kemi vështirë pas humbjes në ndeshjen e parë, por ne kishim besim të madh në mundësitë tona dhe askush nuk ka menduar se ne nuk kemi gjasa”, tha pas ndeshjes kryetrajneri i Realit, Jose Mourinho.