Mesfushori Arsim Plepolli ende nuk ka marrë vendim se ku do të vazhdojë karrierën e tij. Në adresë të Plepollit kanë ardhur disa oferta, mirëpo aktualisht është në mes të dy prej tyre, asaj të Trepçës dhe Gjilanit. “Kam mjaft oferta por asgjë nuk kam vendosur.

Mirëpo, siç janë punët për momentin jam duke menduar në dy prej të tyre, Trepçës dhe Gjilanit, që mund të them se janë më të mirat”, tha Plepolli. Mesfushori prishtinas, 24-vjeçar, e ka pranuar se vendimtare dotë jenë interesat e tij. “Do të shkoj aty ku ofrojnë kushte më të mira dhe këtu nuk ka asnjë dyshim.

Më përpara them se do të shkoja në Trepçë, sesa në Gjilan, ku kam kaluar pak kohë muaj më parë. Por, nuk dihet asgjë, pasi që pa pritmas mund të vijë edhe ndonjë ofertë tjetër. Ka kohë dhe nuk dua të ngutem”. Plepolli ka bërë karrierë në Kosovë, Bosnjë, Iran dhe Austri.