Dita e fundit e afatit kalimtar në afatin dimëror në futbollin evropian, me gjithë spekulimet e shumta, nuk ka sjellë lëvizje të mëdha të futbollistëve shqiptarë. Me gjithë pluhurin e madh Xherdan Shaqiri nuk ka lëvizur askund, ka vazhduar të mbetet edhe më tutje pjesë e Baselit. Shaqiri ishte shqiptari më i kërkuari shqiptar në tregun e futbollit evropian. Bayern Munchen dhe Galatasaray ishin dy ekipet që e kërkuan me ngulm mesfushorin e Baselit në ditën e fundit të afatit, por nuk kanë ndryshuar asgjë.

Bile mediet turke kanë njoftuar se Galata e ka ngritur ofertën e saj në 17 milionë euro. Lëvizejt e vetme të ditës së fundit ishin kalimi i Erjon Bogdanit nga Cesena në Siena, si dhe ai i Anel Rashkajt nga Halmstadi suedez në Sandnes të Norvegjisë. Bogdani do të jetë pjesë e Sienas deri në fund të sezonit, ndërsa kapiteni i ekipit përfaqësues të Kosovës, Rashkaj, ka firmosur 1 vit me Sandesin.

Një ditë më herët sulmuesi shqiptar tjetër, Hamdi Salihi gjithashtu ka ndërruar mjedis. Shkodrani më në fund ka braktisur radhët e Raoid Wienna dhe ka ikur në djetim të Kinës, ku do të jetë pjesë e ekipit Changchun Yatai. Pajtim Kasami ka refuzuar ofertën e Juventusit dhe dëshiron të qëndrojë edhe më tutje në Premier League tek Fulhami.

Me gjithë tratativat nuk ka pasur asgjë nga kalimi i kosovarit Emir Bajrami nga Twente tek West Bromwich Albion në Premier League. “Asgjë nuk po ndodhë këtu. Nesër në stërvitje me Twenten”, ka shkruar kosovari në faqen e tij të rrjetit social, Twitter. Granit Xhaka nuk ka lëvizur nga Baseli, edhe pse ishte i kërkuar nga Manchester United.

Më herët Admir Mehmedi ishte transferuar nga FC Zurich në Dimano Kiev, Agon Mehmeti kishte ikur nga Malmo në Palermo, derisa Shkodran Mustafi e ka lënë Evertonin për Sampdorian. Gjatë këtij afati ka lëvizur edhe Ferhan Hasani që ka shkuar nga Shkëndija e Tetovës në Wolfsburg.