Në Argjentinë është duke vazhduar seanca gjyqësore rreth kurdisjeve skandaloze në kampionatin botëror të futbollit, nikoqire i të cilit ishte ky vend i Amerikës Latine, në vitin 1978, dhe të cilin ai kishte shkuar deri në fund, deri në finalen e madhe.

Ishin ndihmuar lojtarët vendës, të cilët nga banika i udhëhiqte Luis Cesar Menotti, e në terren Mario Kempes, me fitoren e arritur atëherë kundër Perusë së fortë me rezultat 6:0, në kuadër të ndeshjes së fundit të fazës grupore.

Atëbotë ndeshjet e fundit të rivalëve të drejtpërdrejtë për të shkuar më tutje nuk luheshin në të njëjtën kohë si sot, kështu që Argjentina e dinte që i duhej një fitore prej katër golave epërsi që të tejkalojnë Brazilin në grupin e tyre dhe të kualifikohen në finale, në të cilën patën mposhtur Holandën 3:1.

Në atë kohë Argjentina drejtohej nga junta ushtarake, në krye të së cilës ishte diktatori brutal, Jorge Videla. E saktësisht Videla, në bazë të deklaratave të një dëshmitari, ishte marrë vesh me presidentin e Perusë, Francisco Bermudez.

“Ne kemi premtuar që ta lëshojmë ndeshjen, e Videla si shpagim ka marrë 13 të burgosurit tanë politikë, të cilët dëshironin që të rrëzojnë nga pushteti Bermudezin”, ka thënë në gjyq ish-senatori i athershëm peruna, Genaro Ledesma.

“Videlës i duhej fitorja në kampionatin botëror që të përmirësonte imixhin e keq të Argjentinës në botë në atë kohë. Gruoin e të burgosurëve tanë politik ka pranuar ta marrë bë vend, vetëm nëse e lëshojmë ndeshjen”.

Argjentina më në fund e ka filluar procesin ligjor për të sqaruar rastin e kurdisjes së ndeshjes nga viti 1978. Procesi gjyqësor udhëhiqet nga Noberto Oyarbide.

Ky skandal është vetëm njëri prej planit famëkeq Condor, i cili ishte në fuqi gjatë viteve të 70-ta në mesin e diktaturave të shumta në vendet e Amerikës Latine. Me atë plan vendet e kësaj pjese të botës dtyroheshin që të pranojnë dhe burgosin rivalët e pa përshtatshëm politike të regjimeve ushtarake.

Kampionët e athershëm argjentinas, si Rocardo Villa apo Leopold Luque, në ditët e sotme e kanë kuptuar se kishin qenë të shfrytëzuar si viktima të një propagande politike. “Kur sot dëgjoj të gjitha këto nuk mund të jem krenar në fitoren time. Për fatq të keq atëherë nuk dinim asgjë. Ne vetëm kemi luajtur futboll”, tha Luque.