Fabio Capello e ka sqaruar largimin e tij nga pankina e Anglisë. “Nuk ishte një arratisje. U largova nga detyra e trajnerit të Anglisë për shkak të një keqkuptimi” tha Capello.

Italiani dha dorëheqje nga kombëtarja angleze ditën e mërkurë, pas një takimi disaorësh me drejtuesit e F.A. Shkak mendohet se është bërë vendimi i FA për t’i hequr shiritin e kapitenit John Terry-t, pa vënë në dijeninë e Capellos.

Mediet angleze kanë filluar menjëherë të raportojnë për një rikthim të tij në futbollin anglez. Përmendet Chelsea, ku italiani do të zinte vendin e portugezit Andres Villas-Boas, i cili nuk është i sigurt në pankinën e ekipit nga “Stamford Bridge”, pas rezultateve të dobëta të klubit këtë sezon.