Klubi më i njohur kosovar, FC Prishtina, po kërkon një miqësore të fortë ndërkombëtare këtë vit, kur do ta kremtojë edhe 90-vjetorin e themelimit. Lajmi është konfirmuar të martën nga drejtori i përgjitshëm i FC Prishtina, Sokol Krasniqi.

“Klubi është duke negociuar me Galatasaray dhe Fenerbahçe për një ndeshje miqësore dhe bisedimet janë duke ecur mirë. Ka gjasa të mëdha që ndeshja mund të zhvillohet, por jo për 90 vjetorin e themelimit, por thjeshte që të shfrytëzohet qëndrimi ynë në Turqi”, tha Krasniqi.

Këtë ndeshje bardhekaltërit presin ta zhvillojnë shume shpejtë, ndoshta qysh javën e ardhshme, kur ata pritet të udhëtojnë në Antalia, për të kryer një pjesë të përgatitjeve. Prishtina është në pritje të rezervimit të hotelit, e më pas të vendoset për ndeshjen.

“Së pari jemi në pritje të konfirmimit të hotelit nga Turqia, e më pas të arrijmë marrëveshje për zhvillimin e ndeshjes. Shpresoj që gjërat do të qartësohen deri në fund të javës, e me këtë edhe aranzhimi i ndeshjes”, shtoi drejtori i ekipit prizrenas.

B.D