I pakënuaqur si pronar i një skuadre të basketbollit, që studion ekonominë dhe që prodhon verë, ish ylli kinez i NBA, Yao Ming, ka vendosur t’i hyjë edhe politikës. Në moshën 31-vjeçare, ai është bërë këshilltari parlamentar më i ri në Shanghai.

Yao, i gjatë 2 metra e 29 centimetra, i cili ishte tërhequr nga basketbolli në korrikun e kaluar nga Houston Rockets, është pranuar zyrtarisht si anëtar i organit këshillues, një detyrë që do ti mundësojë të bëjë propozime për ligjet e reja eventuale, siç ka raportuar “China Daily”.

Prej se është tërhequr nga basketbolli, Yao ka filluar të studiojë duke u regjistruar në një kurs universitar të bisnesit dhe menaxhmentit. Ai është edhe pronar i Shanghai Sharks, dhe që nga nëntori ka themeluar edhe një kompani për ta shitur verën e tij të prodhuar nga rrushi i kultivuar në Napa Valley, në Kaliforni.