Hendboll. Me qëllim të kyçjes së pakicës serbe në henbdollin kosovar, kryetari i Komunës së Graçanicës, Boban Stojanovië dhe ai i Federatës së Hendbollit të Kosovës, Mexhid Devaja, kanë mbajtur një takim në Graçanicë.

“Takimi kishte për qëllim masivizimin e hendbollit në veçanti inkuadrimin e pakicave në asociacionet sportive dhe në garat e rregullta të FHK-së, dhe tani pasi janë përmbushur disa parakushte siç janë zgjedhja e Mirjana Simiç-Cvetkoviq në Bordin e FHK-së por edhe zgjedhja legjitime e organeve të komunës së Graçanicës, të dala nga zgjedhjet lokale të vitit të kaluar, bënë që të organizohet ky takim”, njoftojnë zyrtarët e FHK-së.

Kryetari i Komunës Boban Stojanoviq ka thënë se prioritet i komunës është ndërtimi i Palestrës sportive, të cilën e kanë premtuar edhe ministri Beqiri si dhe vetë kryeministri Hashim Thaçi, duke bërë të kuptohet se ata do të kyçen në hendboll, por kusht për këtë kanë rregullimin e palestrës.

Nga ana tjetër, sipas zyrtareve të FHK-së, Devaja premtoi se do të kërkojë nga struktura udhëheqëse shtetërore të ndihmon në ngritjen e një palestre sportive, kurse strukturave komunale iu sugjeroi që të formojnë klubin dhe shkollën e hendbollit, të cilat do t’i mbështeste FHK-ja në aktivitetet e veta.