Primitivizmi i tifozëve maqedonas nuk ka të ndalur. Pas skandalit në Nish, tifozët e përfaqësuesës së Maqedonisë në hendboll kanë vazhduar me fyerjet e tyre ndaj shqiptarëve edhe në Beograd, gjatë ndeshjes me Danimarkën, të cilën e humbën me rezultat 32-33, në kuadër të Kampionatin Europian të henbollit që po zhvillohet në Serbi.

Fyerje të tilla në baza etnike si: “Mallkuar qofshin shqiptarët” janë dëgjuar në palestrën e sporteve “Arena” në Beograd, ku të pranishëm kanë qenë rreth tre mijë tifozë nga Maqedonia.

Lidhur me këto incidente, që është i treti me radhë, ditë më parë kanë reaguar Lëvizja Qytetare ZGJOHU!, shoqata të ndryshme shqiptare, partitë politike shqiptare si dhe klubi i hendbollit Liria nga Shkupi.