Vazhdojnë fyerjet në kor ndaj shqiptarëve në ndeshjet e kampionatit evropian të hendbollit në Serbi, ku ata nuk luajnë dhe asnjë shqiptar madje nuk luan. Së fundi repertori për fyerjen e shqiptarëve nga maqedonasit që e kanë përdorur tre herë, ka kaluar te nikoqirët serbë.

Në ndeshjen e nxehtë, Serbi-Kroaci, të luajtur të shtunën në mbrëmje, ndër fyerjet tjera huliganët vendës nuk kanë shpëtuar pa fyer edhe shqiptarët. Ndër fyerjet në kor ka qenë edhe ajo “Vraje kroatin që shqiptari të mos ketë vëlla”. Sipas medieve kroate që kanë ndjekur ndeshjen nga palestra, edhe spikeri oficial ka përkrahur shikuesit për fyerjet në korr.

Fyerje ndaj shqiptarëve ka pasur edhe me fjalë të tjera, por kjo e sipërpërmendura është theksuar në kor në Arenën e Beogradit.