Dy herë i dyti në "Tour de France" Andy Schleck, është larguar nga Tour of Spain, pasi që ka thyer rregullat e ekipit duke pirë. Këtë e ka konfirmuar vetë ngasësi nga Luksemburgu. Ishte favorit para garës, por ngasësi i Saxo Bank ishte i 77 në emëroren e përgjithshme në më pak se 37 minuta larg liderit, para xhiros së 10 të së martës. Edhe kolegu i tij australiani Stuart O’Grady është dërguar në shtëpi nga menaxheri i ekipit, Bjarne Riis.

“Unë e pranoj se kam thyer rregullat e ekipit pasi që kam pirë pas darkës, dhe për ketë arsye Bjarne ka vendosur që mua dhe Stuart O’Grady të na kthejë në shtëpi”, është cituar të ketë thënë Schleck në Cycling News. “Jam përgjegjës për veprimet e mia dhe përkundër faktit që më duket vendim i ashpër, e respektoj Bjarne pasi që ai është shefi dhe ai duhet të bëjë atë që mendon që është më e mira”, ka nënvizuar ai.

Vëllai i Schleck Frank ende mbetet në garë, dhe është në vendin e 13-të në emëroren e përgjithshme. Turneu spanjoll, që përfundon më 19 shtator në Madrid, është duke u kryesuar nga spanjolli Igor Anton.