Nëna e sulmuesit të Chelseat dhe kombëtares së Bregut të Fildishtë e ka kalur tërë ditën e hënën duke zier dhe përgatitur ushqim për tifozët e Bregut të Fildishtë, të cilët po e përcjellin kombëtaren e tyre në Kupën e Afrikës.

Clotilde Drogba në një kuzhinë të improvizuar pranë stadiumit të Malabas kishte zier gjellërat tradicionale të vendit të saj, siç janë mish pule, peshk me oriz, patate me sose të ndryshme. “Gjithkush i di punët e veta dhe çka dëshiron. Zierja është një punë që unë e dua. Këtë e bëj për qejfin tim dhe për birin tim. Këtu nuk bëhet për asgjë tjetër veç për t’i ndihmuar vendit tim”, tha Clotilde.