Paralajmërohen shumë pengesa për atletët myslimanë që do të jenë pjesëmarrës në Olimpiadën e Londrës, pasi që kjo ngjarje e madhe sportive do të mbahet në muajin e Ramazanit, kur bota islamike agjëron nga mëngjesi deri në perëndim.

Ramazani këtë vit pritet mes 20 korrikut dhe 18 gushtit, derisa Olimpiada e Londrës do të mbahet nga 27 korriku deri më 12 gusht, duke detyruar 3.000 atletë myslimanë që do të jenë pjesëmarrës në Lojërat Olimpike që të zgjedhin ndërmjet normës religjioze të islamit që kërkon agjërim dhe ndalon edhe përdorimin e ujit, apo të ushqehen për të qenë më të përgatitur për olimpiadën e Londrës.