Edhe pse nuk turpërohet nga e kaluara e saj, dhe as nuk shmanget që të flasë për të, një gazetare me pyetjet për fëmijërinë e saj, “ia ka ngritur nervat”, aktores së famshme, Drew Barrymore-t. Barrymore në intervistën të cilën e ka dhënë për “London Daily Standard”, përveç për filmin e saj të ri dhe për të dashurin, ka folur edhe për gazetaren e cila “e ka qitur prej takti”.

Drew momentalisht është duke e promovuar filmin e saj të ri “Going the Distance” në të cilin ka punuar me të dashurin, Justin Long-in. E frustruar nga pyetja e një gazetareje, në intervistën e ardhshme është vërsulur në të. Në pyetjen se a e ka humbur ndonjëherë durimin kur gazetarët e pyesin për të kaluarën e saj “të egër”, Drew filloi me fyerjen ndaj gazetares së mjerë.

“Do të duhej ta dëgjonit atë lavire me të cilën kam folur para jush. O zot, kam dashur ta godas, nuk dëshironte të ndalej së foluri për të kaluarën time. Nuk kam problem të flas për të, pasi që nuk i turpërohem së kaluarës sime. Në fakt jam shumë krenare. Kam bërë shumë gabime, por kjo më ishte shkollë jetësore”, tha Barrymore. Ajo shtoi se është e lumtur që e ka tejkaluar këtë me kohë.

“Më vjen mirë që këtë e kam kaluar aq e re dhe më vonë kam pasur jetë normale. Por, vërtet, kam dashur t’ia shkul lëkurën nga fytyra, pasi që nuk ndalej së foluri për të”, tha Drew.