Të martën në mbrëmje nisin ethet e garës për vajzën shqiptare, Dorina Leka e cila është përzgjedhur mes 12 filanistëve për edicionin e katërt të reality show “X Faktor” në Itali.

Spektakli i cili transmetohet drejtpërdrejtë në kanalin Italian “Rai 2”, është shfaqje muzikore talentesh që ka për qëllim të zbulojë këngëtarë që kanë karakteristika për t’u bërë një pop-yll i vërtetë.

Dhe Dorina Leka i ka këto cilësi. E bija e kantautorit të mirënjohur Gjergj Leka përveç interpretimit të mrekullueshëm të këngëve ka bërë për vete jurinë edhe me spontanitetin, natyrën dhe veshjen e saj. (BW)