Ylli 35-vjeçar i filmit, “Going the distance”, Drew Barrymore së fundi është në lidhje me 32-vjeçarin, Justin Long-in me të cilin është paraqitur në një film, ndërsa pohon se në vitet e fundit i përshtaten “partnerët relaksues”.

Aktorja amerikane, Drew Barrymore, e pranon se gjithmonë ka qenë “çmendurisht” e dashuruar dhe nuk ka mundur t’i rezistonte lidhjeve pasionante, por kohën e fundit atë janë duke e tërhequr partnerët e qetë. “Kur je i ri, vazhdimisht dëshiron të jesh i dashuruar. Çmendurisht i dashuruar, pa angazhime, si dhe pa menduar për të ardhmen dhe fëmijët”, tha aktorja.

“Por, me kalimin e viteve fillon të mendosh se është super kur e tëra është thjesht e lehtë dhe e qetë, kështu që këto karakteristika bëhen të rëndësishme kur të kërkosh partnerin”, shtoi ajo. Aktorja po ashtu e pranoi se e tërheqin njerëzit e sinqertë, të cilët i mbajnë premtimet, si në planin privat, po ashtu edhe në atë të punës.