Dyshoni që ajo është duke u takuar me dikë? Ja si ta zhvilloni bisedën me të cilën do ta “detyroni” që t’ua zbulojë të vërtetën.

Filloni nga “forma zero e sjelljes” këshillon Mark Safarik, i cili udhëheq “FBSI-në”, kompaninë nga Virxhinia, e cila merret me analizën dhe hulumtimin e vendit të krimit dhe me vlerësimin e rrezikut.

Me fjalë të tjera, përqendrojeni vëmendjen në ndryshimet e befasishme në sjelljen e saj: stilin e ri të flokut dhe rrobat, interesimin më të madh për higjienë dhe për fitness, mungesën afër jush, interesimin e zvogëluar për marrëdhënie”, shkruan “Men’s Health”.

Bëjani një kurth

Nëse vëreni shenjat të mjaftueshme, bëjani një kurth. Blini dy kartolina të ngjashme. Dërgojani njërën të panënshkruar në punë. Nëse ka të dashur, nuk do t’ua përmend, pasi që nuk do ta dijë kush e dërgoi kartolinën.

Tani “luani” me kartolinën tjetër. Thoni se duhet të bisedoni. “Le të jetë kjo në errësirë”, thotë një ekspert, “pasi që atëherë do të jetë më e relaksuar”. Uluni në tavolinë në të cilin më parë e keni vendosur kartolinën tjetër. Ajo nuk duhet të jetë në vend që bie menjëherë në sy, por vendoseni atje ku megjithatë do ta vërejë. Kjo quhet: “futja e faktorit të stresit”.

Mos u merreni me kartolinën. Në vend të kësaj, shikojeni në sy dhe pyeteni: “A ke të dashur?” Përqendrohuni ta shihni se çka do të bëjë pastaj. Nëse e përsërit pyetjen, e ulë kokën, largon shikimin, i kryqëzon duart, lëpinë buzët, kryqëzon këmbët apo i largon qimet që i janë ngjitur në rroba, ajo dëshiron që të fitojë në kohë dhe me siguri që është fajtore. Tani është koha që të bëni presion.

Mos u mashtroni

Përsëritni pyetjen, dhe kësaj radhë për një moment shikoni në kartolinë, por edhe më tutje mos e përmendni. Nëse vërtetë diçka fsheh, do të bëhet shumë nervoze. Në fund, që ta nxirrni pranimin e saj, ofroni diçka që hulumtuesit e FBI-së e quajnë “skenari për shpëtimin e fytyrës”.

Thoni: “E di që kemi pasur probleme dhe nuk të gjykojë për këtë, por vetëm dua ta dijë të vërtetën”. “Nëse fillon të paraqitet si viktimë do të jetë e gatshme ta pranojë”, thonë ekspertët e FBI-së, të cilët duke e shfrytëzuar këtë teknikë kanë arritur t’i detyrojnë shumë kriminelë ta pranojnë fajin.

Mos lejoni që t’ju mashtrojë mohimi i saj. “Kemi parë njerëz të cilët kanë kaluar testimin në poligrafi, ndërsa megjithatë kanë gënjyer”, pohojnë ekspertët. “Ata që kanë përvojë me gënjeshtra këtë e bëjnë për mrekulli”, shtuan ata.