Ndodh ndonjëherë: shoku apo shoqja juaj më e mirë ju kopjon. Vishen sikur ju (madje edhe kur u rrinë keq, pasi që kanë trup krejt tjetër nga ai i juaji), përpiqen të sillen sikur ju, mbajnë grim dhe stil të njëjtë të flokëve, çka do që bëni këtë do ta bëjnë edhe ata (dëshirojnë të merren me aktivitetin e njëjtë sikur ju, të shkojnë në vendet e njëjta, që t’i kenë gjërat e njëjta, dëgjojnë muzikën e njëjtë...).

Është argëtuese nëse shkoni në shkollë me stilin e njëjtë të flokëve dhe pas disa ditëve e tërë shkolla e ka stilin e njëjtë të flokëve, apo kur e tërë shkolla bazohet në stilin tuaj të veshjes dhe mbathjes, por kur një person në mënyrë obsesive u kopjon, kjo di mjaft t’ju nervozojë. Nëse bëhet fjalë për personin i cili u është i dashur, është pak e vështirë t’ia përmendni këtë (nëse ka të bëjë me personin që e njihni mirë, situata është shumë e tmerrshme, sikur në ndonjë film horror).

Natyrisht, nëse ka të bëjë me personin e dashur, nuk duhet të jeni të rreptë ndaj tyre. Është e mundshme që në ndonjë mënyrë t’i jeni idhull, dhe që sinqerisht kënaqet me të tërat që i bëni dhe vërtetë dëshiron të jetë si ju. Veprimi i këtillë nuk është bash i mirë, por këtë nuk duhet t’ia tregoni drejtpërdrejtë duke e kritikuar. Në vend të kësaj, do të mund të ndihmojë qasja tjetër.

Thelbësore është t’u thoni (në mënyrë të butë) që vërtetë u pengon sjellja e tyre dhe se nuk është e domosdoshme që të bëni gjëra të njëjta që të jeni miq të mirë (disa njerëz, përndryshe njerëz të mirë, kanë nga pak ide të çuditshme për atë si duhet të duket një miqësi-është e mundshme që shoku apo shoqja juaj është person i këtillë).

Herën tjetër kur dëshirojnë që të kopjojnë ndonjë veprim tuaj, propozoni që të bëni diçka tjetër, e që do të ishte njëjtë argëtuese, dhe pasi që propozimi vjen nga ju, atëherë me siguri që do ta pranojë.

Nëse jeni këmbëngulës në situata të këtilla, do të shohin edhe vetë që munden të ndihen super edhe kur nuk ju kopjojnë (vetëm mos lejoni që vazhdimisht nga ju të presin që t’u thoni se çka të bëjnë). Do të shohin se miqësia juaj është e fuqishme sikur edhe më parë, ndoshta edhe më e fuqishme, kjo pasi që të ndalet së kopjuari dhe nervozuari juve.