Besimi gjithsesi që është i rëndësishëm në raportin miqësor, kështu që shumë dhemb kur miqtë na lëndojnë, përkatësisht kur na tradhtojnë.

Natyrisht, nëse juve diçka u është treguar dhe jeni lutur që të mos flisni me askënd për këtë, duhet ta ruani këtë fshehtësi. Është e mjaftueshme që të viheni në lëkurën e personit të cilin e kanë tradhtuar personat e afërt.

Ylli i adoleshentëve Selena Gomez dhe Taylor Swift me vite janë mike shumë të mira, ndërsa çelësi për këtë ka qenë pikërisht në besimin e ndërsjellët.

“Taylor është njëri nga ata persona të cilëve mund t’u tregosh gjithçka, dhe e dini që gjithmonë kjo do të mbetet sekret. Gjithmonë është e gatshme për këshilla miqësore”, thotë Selena Gomez.

Mos u ngutni të merrni përfundime

Vërtetë a ka më vështirë dhe më keq se sa ta kuptoni se shoku apo shoqja më e mirë ju ka tradhtuar duke e bërë publike sekretin tuaj të ruajtur për kohë të gjatë?

Uf, me kënaqësi atij/asaj do t’i thoshit gjithçka dhe mendoni që kurrë më mos të flisni me atë person! Megjithatë, ngadalë! Merrni frymë thellë, pasi që ndonjëherë të gjithat duhet t’i merrni me rezervë të madh dhe kurrsesi mos të nguteni të merrni përfundime.

Natyrisht skenari i këtillë nuk është i zakonshëm: shokut apo shoqes i keni treguar diçka dhe e keni lutur që këtë askujt mos t’ia tregojë. Megjithatë, nga disa burimeve e merrni vesh që sekreti juaj më nuk është fshehtësi, dhe se këtë shumë veta e kanë marrë vesh! Gjithsesi, kjo ju ka lënduar aq shumë dhe ju dhemb shumë ngase të gjitha e dinë informacionin tuaj të fshehtë, ndërsa më e vështira është se personi në të cilin keni pasur besim u ka tradhtuar.

Çka të bëni në situatë të këtillë?

Para së gjithash, hulumtoni vërtetë a ju ka tradhtuar shoku apo shoqja duke e treguar sekretin tënd, përkatësisht mos besoni menjëherë të gjitha që i dëgjoni. Ndoshta këtë ia keni treguar edhe dikujt tjetër (dhe keni harruar) ndërsa ata këtë pastaj e kanë shpërndarë tutje. Gjëra të këtilla ndodhin, andaj kujdes, mos u ngutuni ta akuzoni dikë.

Por në rast se shoku apo shoqja vërtet u ka tradhtuar, duhet të realizoni një bisedë serioze me të. Pyeteni se pse e ka bërë këtë gjë, nëse ka të bëjë me diçka që ia keni besuar, e që kjo ka të bëjë me një problem shumë serioz, atëherë shoku apo shoqja e vërtetë do t’ua tregojë shkakun e kësaj që ka ndodhur, nëse e ka bërë këtë, dhe me siguri që do të ndjejë nevojën që t’u mbrojë dhe t’u ndihmojë.

Edhe pse dhemb shoku apo shoqja kanë luajtur me besimin tonë, biseda e mirëfilltë do ta zbardh të vërtetën dhe do të jetë e dobishme dhe miqësia, pasi që ta tejkaloni krizën, me siguri që do të vazhdojë.