Ju ndahen miqtë? Kujdes, pasi që shumë shpejt kjo mund t’ju ndodh edhe juve. Hulumtimi i ri tregon se divorci është “ngjitës” dhe përhapet m’u sikur një sëmundje. Kështu sipas studimit të kryer nëse janë duke ju ndarë shokët e ngushtë apo kolegët e afërt të punës, rriten shanset që të ndaheni edhe ju, dhe atë madje për 75 për qind! Por, në qoftë se është duke u divorcuar shoku i shokut tuaj shanset për ndarjen janë 33 për qind.

Shkencëtarët nga universiteti amerikan “Brown” të cilët e kanë zhvilluar hulumtimin kanë konstatuar se divorci është ngjitës dhe se përhapet sikur një sëmundje në mesin e të afërmve, shoqërisë dhe kolegëve të punës. Ata mendojnë që njerëzit pas divorcit e hulumtojnë rrethinën duke treguar për martesën e tyre, dhe kjo rezulton me ndarje. Të gjithë këtë e ka treguar hulumtimi i zhvilluar në mesin e 12 mijë amerikanëve.

U vërejt se fëmijët nuk ndikojë aspak në efektin ngjitës të ndarjes, kështu që edhe çiftet me fëmijë divorcohen.

“Divorcet dhe ndërprerjet e lidhjes të njerëzve të afërt i nxisin të tjerët në hulumtimin kritik të martesës apo lidhjes së tyre. Kjo i sjell deri te përfundimi se nuk janë të kënaqur me lidhjen e tyre, dhe se diçka nuk është duke funksionuar. Rezultati është, natyrisht, ndërprerja apo ndarja”, sqaroi udhëheqësja e hulumtimit, dr. Rose McDermott.