011 - 13:55

Berlin, 21 dhjetor - Një i ri turk ka ngjallur interesim të madh në konkursin e Super të Talentuarve, program që ka mbërthyer pas ekranit me miliona gjermanë.

Dergin Tokman me aftësi të kufizuara fizike u duartrokit në këmbë me kërcimin që bëri me paterica para jurisë, transmeton njoftimet TRT.

Kërcimtari turk me performancën e mrekullueshme la me gojë hapët edhe rivalët e tij dhe u duartrokit në këmbë nga të pranishmit në sallë.

Dergin Tokman ka lindur në Gjermani si djali i një emigranti dhe ka kaluar paralizë kur ishte një moshën njëvjeçare.

Me vullnetin e tij të hekurt ai mësoi të ecë, të kërcejë.

Ai u ndikua nga një film që kishte parë kur ishte 12 vjeç dhe zhvilloi një stil të vetin origjinal të kërcimit me paterica dhe më vonë krijoi edhe grupin e tij. Doli nëpër turne, mori pjesë në konkurse e festivale të ndryshme.

Dergin Tokman talentin e konfirmoi edhe njëherë në konkursin që organizohet në televizionin gjerman RTL për zbulimin e talenteve të reja dhe u ndoq nga miliona njerëz përmes ekranit të televizionit.