E mendoni se çfarë tmerri do të ishte sikur të niseshit për udhëtim, dhe pikërisht në kufi ta kuptonit se nuk e keni pasaportën me vete? Kjo u ndodhë shpesh pothuajse të gjithëve.

Mirëpo, për shtetet e zhvilluara në botë, një gjë e tillë nuk është edhe aq problemore, nëse jeni të pajisur me teknologjinë më të avancuar të kohës.

Një kanadezi, i cili e kuptoi se kishte harruar pasaportën në momentin që po i afrohej kufirit me SHBA-në, i ndodhi kjo gjë, mirëpo ai ishte me fat, pasi në iPad-in e vet, e kishte të skanuar pasaportën.

Martin Reisch, duke folur për mediet e huaja, tha se doganierët amerikanë u zemëruan fillimisht, mirëpo e lejuan të hyjë në SHBA nga Kebeku, pasi që ia tregoi kopjen e skanuar të pasaportës së tij në tabletin e Apple, iPad.

Ai kishte arritur shumë afër kufirit amerikan kur e kuptoi se nuk e kishte pasaportën me vete, ndërsa në vend se të kthehej në Montreal për ta marrë dokumentin e harruar në një udhëtim dy orësh, vendosi ta provojë kalimin e kufirit me iPad.

“Mendova me vete dhe thash do ta provoj pasi që gjëja më e keqe që do të mund të më ndodhte ishte të kthehesha në shtëpi”, tha ai.

Reisch iu tha policëve në kufi se po shkon në SHBA për t’i blerë disa dhurata për fëmijët dhe miqtë me rastin e festave të fundvitit. E tha të vërtetën. Ndërsa pasaporta e skanuar dhe patentë shoferi i ndihmuan që të hyjë në Amerikë. /Zëri/