Një biznesmen francez ka ofruar shitjen e pronave për tu dalë në ndihmë femrave myslimane për t’i paguar gjobat që ato mund t’i marrin për mbajtje të shamisë të tërësishme (niqabit) në publik nëse ligji votohet përmes parlamentit francez.

Ligjvënësit të martën do të votojnë këtë projektligj, përmes së cilit femrat që do bartin niqabin nëpër vende publike, do të dënohen me nga 150 euro.

Në një deklaratë të publikuar në disa gazeta franceze, Rachid Nekkaz, i cili provoi të kandidohej në zgjedhjet presidenciale të vitit 2007, tha se do t’i përdor të ardhurat nga shitja e pronave, rreth 1 milion euro, për tu dalë në ndihmë femrave që gjobiten.

Nekkaz është duke themeluar edhe një shoqatë, “Hands off my Constitution” në ndihmë të këtyre femrave.