Ka qenë çështje kohe, pasi që në internet janë paraqitur fotografitë e Mercedes coupe-limuzinës, kur prodhuesi nga Sindlefingen do të na ofrojë edhe fotografitë zyrtare.

Gjermanët megjithatë vendosen t’i mos publikojnë të gjitha karakteristikat, kështu që për motoriken vetëm mund të spekulojmë. Pritet që CLS-në ta vë në funksion motorët me benzinë nga E-klasa, duke përfshirë edhe gjeneratën e re të njësive V6 dhe V8: atë 4.7-litra V8 do ta ndërrojë ai 5.4-litra V8, derisa modelet me naftë do të përmbajnë motorin trelitërsh V6 dhe 2.1 common-rail katërcilindërshin.

CLS i ri do të ndërtohet në platformën aktuale të E-klasës nga i cili do të jetë më i ultë dhe ketë hapësirë më të madhe ndërmjet boshteve. Mercedes për tani nuk i zbulon dimensionet e coupe-limuzinës së re, por pritet të jetë më e gjatë se sa paraardhësi, që këtë do të duhet ta vlerësojnë udhëtarët nga mbrapa. CLS fitoi pamjen e re të maskës së përparme, e cila më pak apo më shumë ndryshime, do të inkorporohet edhe në modelet e tjera të kësaj kompanie.

Në pjesën e përparme gjenden edhe LED dritat që përbëhen nga 71 komponentë. Më shumë për CLS do të dimë pas premierës zyrtare që do të bëhet në autosallonin në Paris në fillim të muajit tetor.