Shtëpia e tjuningut CFC Styling Station ka krijuar një pamje mahnitëse për modelin e ri të Golf VI GTI, duke i dhënë një pamje të jashtme tejet sportive, por edhe një brendi joshëse, duke sistemuar sisteme të ndryshme audio-HiFi.

Fillimisht janë ndryshuar fellnet, duke u përdorur ato 19 inç SAA GT2, ku është kombinuar ngjyra e kuqe me të zezë. Pastaj aty janë spojlerët e rinj, maska e re, si dhe katër gypa për nxjerrjen e gazrave. Nën kapakun e motorit gjithashtu ka pasur përmirësime të ndjeshme, ku motori 2.0 turbo, tani ofron 265 kuaj fuqi dhe momente rrotullimi prej 390 Nm.

Për adhuruesit e muzikës, ofrohet një çmenduri e vërtetë, duke filluar nga audio-sistemi HiFi nga Pioneer, tetë zmadhues zëri dhe Woofer nga Rainbow. Thjeshtë e përkryer.