Volvo V60 arrin në tregun e veturave me qëllimin që vëllait të tij, modelit S60, t’i bëj konkurrencë për titullin e Volvo-s më dinamike të të gjitha kohëve. Rreth 90 për qind të shitjes së paraparë vjetore të modelit Volvo V60 prej 50.000 copëve, do të përfundojnë tek blerësit evropianë.

Volvo V60 u dedikohet atyre që në rend të parë dëshirojnë më shumë hapësirë dhe fleksibilitet, por pa kompromis kur bëhet fjalë për pamjen sportive dhe mundësitë mahnitëse të vozitjes. Të vetëdijshëm se konkurrenca është e fortë dhe blerësit e këtij segmenti e dinë saktësisht se çfarë duan, në Volvo kanë përmirësuar ekskluzivitetin dhe kualitetin e pjesës së brendshme, kështu që këtë veturë e kanë pajisur me risi të shumta teknike në fushën e komoditetit dhe sigurisë.

Rezultati i gjithë kësaj, është një karvan unik sportiv në harmoni të plotë me qëndrimin e tij sportiv.

Dizajn tërheqës

Volvo V60 e re, me dizajn është më shumë coupe se sa karavan. Forma e theksuar e mprehtë dhe vijat vitale të kulmit, përcjellin vijat anësore atraktive, duke krijuar një valë të dyfishtë të butë, por të fuqishme nga dritat e përparme, deri tek ato të prapme. Duket se ky karavan suedez, nuk dëshiron të jetë një veturë tradicionale transporti, sepse për këtë janë paraparë modelet V70 dhe XC70, por një karavan tek i cili hapësira e bagazhit nuk është atributi kryesor. Volvo V60 mund të blihet me një gamë të gjerë të ngjyrave të karrocerisë, të cilat theksojnë vijat inspiruese të këtij modeli.

Në mesin e 15 ngjyrave, dy janë të reja, ajo bakër Vibrant dhe e artë Electrum, të cilat mjaftë mirë përshtaten me enterierin. Volvo V60 është i gjatë 4.628 mm me distancë boshtesh prej 2.776 mm. Volvo V60 i ri është i mundur në dy lloje të shasisë. Në tregun evropian shasia e sapo zhvilluar e cila ofron dinamikë superiore të vozitjes pa ndikim negativ në rehati të vozitjes, është standarde, derisa disa tregje të tjera me rrugë më të këqija, do ta marrin një shasi më të butë Touring.

Përkrah këtyre dy shasive standarde, të gjitha variantet e Volvo V60, mund të pajisen me opsionin e shasisë aktive Four C, e cila me ndihmën e tri moduleve (Comfort, Sport dhe Advanced), përdor sensorë të shumtë dhe rregullon punën e amortizatorëve. Shasia e re dinamike mbështetet me një varg sistemesh elektronike, të cilat edhe më shumë e përmirësojnë ndjenjën sportive të vozitjes, siç është kontrolli i avancuar i stabilitetit (Advanced Stability Control) apo Corner Traction Control për hyrje më stabile në kthesa, ndërsa tërë këtë e mundëson sistemi i avancuar i frenimit.

Gamë e gjerë e motorëve

Volvo V60 i ri do të jetë i mundur në motorë të shumtë me naftë dhe benzinë, me forcë nga 115 kuaj fuqi (1.6 D DRIVe) e deri në 304 kuaj fuqi (3.0 T6). Ofertën e motorëve me benzinë e hap ai 1.6-litërsh me katër cilindra në versionin me 150 kuaj fuqi (T3) dhe 180 kuaj fuqi (T4), ndërsa pason ai 2.0-litërsh turbo-benzinë me 203 kuaj fuqi dhe 240 kuaj fuqi (T5), derisa majën e ofertës e bën motori 3.0-litërsh me gjashtë cilindra me 304 kuaj fuqi.

Versioni me naftë fillon me atë 1.6-litërsh me katër cilindra që ofron 115 kuaj fuqi, ndërsa pasojnë ai 2.0-litërsh me 163 kuaj fuqi (D3) dhe 2.4-litërsh me pesë cilindra me 205 kuaj fuqi (D5).

Shpejtësia maksimale e Volvo V60, është e kufizuar në 250 km/h, ndërsa shpejtësinë nga 0 në 100 km/h, e arrin për 7.9 sekonda. Sa i përket harxhimeve të karburanteve, ajo nuk është e lartë duke marrë parasysh vëllimin e motorit dhe harxhimi maksimal është vetëm 5.4 l/100 km. Modeli i ri Volvo V60, pritet të dalë në shitje në tremujorin e parë të vitit 2011.

2396 cc

5.4l / 100 km

Teknologjia

Ofertën e motorëve me benzinë e hap ai 1.6-litërsh me katër cilindra në versionin me 150 kuaj fuqi (T3) dhe 180 kuaj fuqi (T4), ndërsa pason ai 2.0-litërsh turbo-benzinë me 203 kuaj fuqi dhe 240 kuaj fuqi (T5), derisa majën e ofertës e bën motori 3.0-litërsh me gjashtë cilindra me 304 kuaj fuqi