Vdes ish-Presidenti i Italisë- gjatë Luftës së Dytë Botërore ishte ushtar në Kosovë

Bota September 16, 2016 - 21:32

Sot ka ndërruar jetë ish-presidenti i Italisë përgjatë viteve 1999-2006, Carlo Azeglio Ciampi, në moshën 95 vjeçare.

Interesante në relacion me Kosovën është se si 20 vjeçar ai kishte përfunduar në Kosovë, gjatë viteve të Luftës së Dytë Botërore, transmeton Koha.net.

Ai kishte emëruar Berlusconin kryeministër në vitin 2001, e më pas ka pasur kundërshti kur Berlusconi përkrahte presidentin Bush, e Ciampi e kundërshtonte ngaqë ishte kudër luftës në Irak.

Ciampi gjithmonë do të mbahet mend për mjeshtërinë e tij ekonomike, duke i stampuar idetë dhe politikat e tij në Itali. Ai ka qenë një nga më të zëshmit për valutën e njëjtë në gjithë Bashkimin Europian, EURO.