Lumi 'Drenica' në gjendje të rëndë

Lumi 'Drenica' në gjendje të rëndë

Ekonomia May 18, 2019 - 21:05
Lexoni detajet

Lumi Drenica ende është në gjendje të rëndë. Edhe pse disa herë janë ndarë mjete financiare për këtë lumë, prapë gjendja e tij është katastrofike.  Në Komunën e Drenasit thonë se MMPH-ja nuk po ndan më mjete për të mirëmbajtur këtë lumë, e nga opozita thonë se Lumi “Drenica”, përmendet veç kur ka fushata zgjedhore.

Disa herë janë prerë shiritat për rehabilitimin e këtij lumi, megjithatë gjendja e Lumit “Drenica” nuk është përmirësuar.

Pamjet në terren tregojnë se shtrati i këtij lumit ka mbetur po i njëjtë siç ishte para pesë viteve, atëherë kur u premtua rregullimi i tij.

Në Komunën e Drenasit thonë se punimet kanë shkuar shumë ngadalë, derisa cekin se pastrimi i lumit i financuar nga buxheti komunal do përfundojë këtë vit.

Tutje Hysenaj thekson se këtë vit janë zvogëluar edhe fondet e ndara nga ministria e ambientit, e cila është edhe financuese e këtij projekti.

Televizioni ka tentuar të marrë një përgjigje nga kjo ministri, por e njëjta nuk ka kthyer.

Ndërkohë, opozita në Drenas thotë se lumi “Drenica” është projekti më i trupshëm që mund t’i ketë ndodh komunës.

Sipas Drenorit ky lum është përdorur vetëm gjatë kohës së fushatës nga politikanët.

Faza e tretë e lumit Drenica pati nisur para dy viteve, në bashkëpunim me Ministrinë e Mjedisit e Komunën e Drenasit.

Ndërkohë deri në rregullimin e tij,  lumi paraqet rrezik si nga përmbytja po ashtu edhe nga mbeturinat e shkurret që gjenden brenda tij.