Gastronomët duan që të përfitojnë me prioritet nga ligji për rimëkëmbje

Gastronomët duan që të përfitojnë me prioritet nga ligji për rimëkëmbje

Ekonomia December 02, 2020 - 20:42

Shoqata e Gastronomëve pret që bizneset e tyre të përfitojnë me prioritet nga Ligji për Rimëkëmbje Ekonomike, i cili të premten pritet të votohet në Kuvend.

Gastronomët thonë se sipas amandamenteve të reja që janë propozuar në projektligjin për rimëkëmbje ekonomike, përveç ndryshimit të politikave fiskale, do të ketë edhe mbështetje financiare për bizneset e prekura nga pandemia dhe punëtorët e mbetur të papunë, për çka thonë se sektori i gastronomisë është më i prekuri nga pandemia, transmeton Zeri.info.

Duke iu referuar statistikave të ASK-së, gastronomët bëjnë me dije se të ardhurat dhe qarkullimi i sektorit të gastronomisë në krahasim me vitin 2019 dhe 2020, vetëm në tremujorin e dytë (TM2), rezultojnë të kenë pasur rënie prej 64%, si asnjë sektor tjetër në Kosovë.

“Shoqata e Gastronomëve të Kosovës përveç që ju bën thirrje për votimin e Projektligjit këtë të premte, poashtu kërkon që sektori i gastronomisë duhet të prioritizohet nga sektorët e tjerë në kuptim të mbështetjes financiare (duke marrë parasysh gjendjen alarmante të pasqyruar nga të dhënat e cekura më lartë). Andaj, domosdoshmërisht mjetet që pritet të destinohen për sektorin privat nga ky Projektligj në vlerë prej 200 milion euro, duhet të ndahen në proporcion me dëmet që janë shkaktuar nga pandemia dhe masat e qeverisë në secilën industri përkatëse, e jo njëjtë për të gjithë sektorët!”, thuhet ndër të tjera në një reagim të Shoqatës së Gastronomëve. /Zëri

 

Pas kalimit të sotëm të Projektligjit për Rimëkëmbjen Ekonomike në Komisionin Parlamentar për Buxhet dhe Financa,...

Posted by Shoqata e Gastronomëve të Kosovës on Wednesday, December 2, 2020