Futbollisti i Turqisë injoron keq Kosovën

Sulmuesi i Turqisë, Mehmet Batdal, ka kërcënuar Kosovën, duke thënë se fitoren në ndeshjen e së shtunës e kanë obligim.

Lojtari i Basaksehirit, theksoi se atyre ju duhet medoemos të marrin tri pikë.

“Rezultati është primar. Ne jemi në disavantazh nga ndeshjet e kaluara dhe qëllimi ynë është të fitojmë dhe të ngritemi që nga ndeshja me Kosovën. Përparësia jonë është se kemi luajtur me të gjithë kundërshtarët që janë mbi ne”, tha Batdal, raporton Gazeta Olle.

I pyetur për atmosferën në Kombëtare, ai tha se gjithçka është super.

“Që nga dita që jemi grumbulluar, atmosfera ësthë shumë e mirë. Gjithçka po shkon mirë, dhe të gjithë mendojnë vetëm për ndeshjen me Kosovën. Neve na duhen tri pikë dhe besojs e do t’i marrim”, shtoi Batdal.