Barazon Shqiponja, kampioni vendoset në kryeqytet

Sport May 24, 2017 - 22:10

Shqiponja e ka barazuar serinë finale të “Play-Offit” të Superligës së hendbollit të femrave, shkruan zeri.info.

Skuadra gjakovare e ka mposhtur Prishtinën me rezultat 37:29. Në pjesën e parë më të mira ishin kryeqytetaset, të cilat e mbyllën 30 minutëshin e parë me dy gola epërsi, 18:16.

Mirëpo, në atë të dytë gjakovaret e treguan forcën e tyre duke fituar në fund me 8 gola dallim.

Ndeshja e tretë dhe e fundit, e cila do të zhvillohet në kryeqytet, do ta vendosë kampionin e Kosovës në konkurrencën e femrave.

Prishtinaset e kishin fituar ndeshjen e parë në shtëpi, 26:25. /Zëri/