Real Madrid me fitore të madhe ndaj Sociedadit (VIDEO)
Sport
September 17, 2017 - 22:42
Real Madridi e ka mposhtur 3:1 Real Sociedadin në “Anoeta”.
Pas dy barazimeve me radhë, Real Madridi i Zinedine Zidane ka gjetur rrugën drejt fitoreve në La Liga, shkruan Gazeta Express.
“Los Blancos” morën pikët e plota në xhiron e katërt në udhëtim te Real Sociedad, ku triumfuan 1:3.
I riu i akademisë, Borja Mayoral, në minutën e 19’të, autogol Kevin Rodrigues (36’) dhe Gareth Bale në minutën e 61’të, shënuan për kampionët, ndërsa golin e nderit për vendasit e shënoi Kevin Rodrigues (28’).
Për Sociedadin nga fillimi luajti Adnan Januzaj. Ai u largua nga loja në minutën e 77’ për t’ia lëshuar vendin Imanol Agirretxe.
Pas kësaj fitore, Reali shkon në kuotën e tetë pikëve dhe gjendet në pozitën e katërt, me katër pikë me pak se Barcelona.
