Feronikeli ‘kërcënon’ me largim, fajëson Federatën!

Sport September 22, 2017 - 21:13

Feronikeli ka reaguar ashpër pas përfundimit të ndeshjes ndaj Trepçës ’89, për penalltinë e tërhequr që u akordua në minutën e 90.

Feronikeli konsideron që Federata e Futbollit të Kosovës, po i hakmerret në mënyrë të turpshme.

Më poshtë mund ta lexoni reagimin e plotë të klubit nga Drenasi, të postuar para pak minutave në faqen zyrtare.

“Bordi i KF Feronikelit, në mbledhjen e mbajtur pas ndeshjes e zhvilluar sot në mes Feronikeli dhe Trepçës`89 e cila u mbyll në mënyrën me të turpshme, ku skuadrës tonë i anulohet për herën e tretë penaltia e akorduar, e dyta radhazi në këtë edicion, del më këtë konstatim:

Se hakmarrja e FFK-së, po ndodh në mënyrën më të turpshme të mundshme, duke e poshtëruar futbollin kosovar në sy të botës.

Bordi i Feronikelit, i cili në mesin e përbërjes ka donatoret që më vite kanë kontribuar shumë për ta ngritur nivelin e skuadrës në një nivel organizativ me të lartë, po has në barrierën e quajtur FFK me mekanizmat e sajë.

Këto vendime të çuditshme dhe skandaloze për ne janë tendencioze dhe mirë të koordinuara për t`a dëmtuar dhe demoralizuar skuadrën tonë.

A është rastësi mendoni ju kjo që Feronikeli është e vetmja skuadër që deri me tani ju anulohen tri penalti fillimisht të akorduara, dhe dhjetëra penalti të pa akorduara!!?

FFK, kjo është e turpshme, aq sa edhe e ulët nëse e ngulfatni lirinë e shprehjes së pakënaqësive që kanë individët apo klubet në çdo proces që direkt apo indirekt ju prek juve si udhëheqësi.

Klubi i Feronikelit do t`a shqyrtoj me kujdes situatën dhe në ditë në vijim do të marrim vendime të reja lidhur me situatën e krijuar, e cila ka dëmtuar rend emocionalisht futbollistet dhe shtabin teknik me vendimet skandaloze nga ana e arbitrave .

Bordi gjithashtu e ngriti qeshjen deri tek mundësia e tërheqjes nga garat e ekipit tonë, qeshje kjo e cila do të diskutohet në mbledhjen e jashtëzakonshme që pritet të mbahet shumë shpejt në ditët në vijim”, thuhet në njoftimin e Feronikelit.