Momenti kur Lirim Kastrati 'shpërthen' në shpejtësi marramendëse në ndeshjen Kosovë - Turqi
Në kuadër të eliminatoreve për Kampionatin Evropian “Euro 2021” për grupmoshat U-21, Kosova arriti që mbrëmë të regjistrojë fitore të madhe kundër Turqisë.
Në ndeshjen e zhvilluar në stadiumin “Fadil Vokrri” në Prishtinë, djelmoshat e Rafet Prekazit fituan me rezultat solid 3:1 përballë futbollistëve nga Turqia, shkruan Zëri.info.
Arbenit Xhemajli, Mirlind Daku dhe Lirim Kastrati shënuan golat për shpresat e Kosovës në këtë ndeshje.
Padyshim, futbollisti më i mirë mbrëmë ishte Lirim Kastrati.
And, for good measure, his goal from last night. pic.twitter.com/us2u5kTJbY
— Richard Wilson (@timomouse) June 12, 2019
Sulmuesi i Lokomotivës së Zagrebit ishte autor i njërit prej golave, derisa paraqitja e tij në fushën e lojës ishte fenomenale.
Tashmë, po qarkullojnë video në një moment gjatë ndeshjes, ku Kastrati befasoi të gjithë me shpejtësinë e tij gjatë një aksioni të Kosovës.
Kastrati pranoi një top të mirë dhe u nis në drejtim të portës pasi arriti ta shmangë mbrojtësin kundërshtar në duel shpejtësie, mirëpo portieri turk e vërejti shpejtësinë e tij dhe doli më herët duke ndërhyrë me sukses.
How quick is Kastrati? This bloody quick. pic.twitter.com/aOVWHRc92z
— Richard Wilson (@timomouse) June 12, 2019
Ndryshe, në grupin përkatës, Kosova kryeson pas dy ndeshjeve me gjashtë pikë të grumbulluara./Zëri.info