UEFA ka diçka të madhe për Valon Berishën pas paraqitjes mbresëlënëse kundër Anglisë
Përfaqësuesja e Kosovës pësoi humbje dinjitoze nga Anglia mbrëmë në kuadër të eliminatoreve për Kampionatin Evropian “Euro 2020”.
Në stadiumin “St Mary’s Stadium”, djelmoshat e Bernard Challandes u mposhtën me rezultat 5:3 në një ndeshje spektakolare, shkruan Zëri.info.
Dy-golësh për Kosovën dje shënoi mesfushori Valon Berisha i cili dhuroi një paraqitje të mrekullueshme në fushën e lojës.
Paraqitja e Berishës ka rënë në sytë e mediave ndërkombëtare si dhe te shtëpia më e madhe e futbollit evropian UEFA.
UEFA ka përzgjedhur Berishën në mesin e katër futbollistëve me paraqitjet më të mira në ndeshjet e mbrëmshme.
Berisha është vendosur në mes të futbollistëve si Cristiano Ronaldo, Jadon Sancho dhe Cenk Tosun.
“Paraqitja individuale më e mirë në mbrëmjen e djeshme?”, ka shkruar “UEFA EURO 2020” në rrjetin social “Twitter”./Zëri.info